پاکستان نے یمن میں امن اور استحکام کے لیے جاری سفارتی کوششوں کی مکمل حمایت کا اظہار کرتے ہوئے کہا ہے کہ خطے میں پائیدار امن کے قیام کے لیے مذاکرات اور سیاسی عمل ہی واحد مؤثر راستہ ہیں۔
دفتر خارجہ کے ترجمان کے مطابق پاکستان یمن میں حالیہ پیش رفت پر گہری نظر رکھے ہوئے ہے۔ پاکستان نے مملکتِ سعودی عرب کی جانب سے یمن میں امن و استحکام یقینی بنانے کے لیے کی جانے والی سفارتی کوششوں کی بھرپور حمایت کا اعادہ کیا ہے، جبکہ اس سلسلے میں متحدہ عرب امارات کے کردار کو بھی سراہا گیا ہے۔
🔊PR No.3️⃣8️⃣3️⃣/2️⃣0️⃣2️⃣5️⃣
Pakistan expresses support for efforts for peace and stability in Yemen
🔗⬇️https://t.co/8tA1SRA5mS pic.twitter.com/RTviB9UsMj
— Ministry of Foreign Affairs – Pakistan (@ForeignOfficePk) December 26, 2025
بیان میں یمن کی وحدت اور علاقائی سالمیت کے احترام کی ضرورت پر زور دیتے ہوئے امید ظاہر کی گئی ہے کہ یمنی فریقین کسی بھی ایسے یکطرفہ اقدام سے گریز کریں گے جس سے صورتحال میں مزید کشیدگی پیدا ہو۔ پاکستان نے تمام یمنی فریقین پر زور دیا ہے کہ وہ تعمیری انداز میں اور نیک نیتی کے ساتھ جامع مذاکراتی سیاسی حل کے لیے آگے بڑھیں، جو طے شدہ اصولوں اور فریم ورک پر مبنی ہو۔
یہ بھی پڑھیں:سعودی عرب کی یمن کے جنوبی صوبوں میں عسکری نقل و حرکت پر تشویش، کشیدگی ختم کرنے پر زور
دفتر خارجہ کے مطابق پاکستان کو امید ہے کہ جاری سفارتی کوششیں یمن میں دیرپا امن کے قیام کے لیے عملی اقدامات کا باعث بنیں گی اور یمنی عوام کو درپیش طویل عرصے سے جاری مشکلات اور تکالیف کے خاتمے میں مدد ملے گی۔
