یکم جنوری 2026 سے صارفین کو پیٹرول پمپوں پر ریلیف ملنے کا امکان ہے، کیونکہ بین الاقوامی مارکیٹ میں خام تیل کی قیمتوں میں کمی کے پیش نظر حکومت نے اگلے 15 روز کے لیے پیٹرولیم مصنوعات کی قیمتوں میں کمی پر غور کیا ہے۔
مزید پڑھیں: عوام کے لیے بڑا ریلیف، پیٹرولیم مصنوعات کی قیمتوں میں کمی
سرکاری ذرائع کے مطابق، پیٹرول کی قیمت میں قریباً 10.60 روپے فی لیٹر کمی متوقع ہے، جس کے بعد پیٹرول کی قیمت قریباً 252.85 روپے فی لیٹر ہو جائے گی۔ ہائی اسپیڈ ڈیزل کی قیمت 8.59 روپے فی لیٹر کم ہو کر 257.06 روپے فی لیٹر متوقع ہے۔
مزید پڑھیں: حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا
اسی طرح، مٹی کا تیل قریباً 8.92 روپے فی لیٹر سستا ہو کر 171.62 روپے اور لائٹ ڈیزل آئل کی قیمت 6.62 روپے فی لیٹر کمی کے بعد متوقع 252.85 روپے فی لیٹر تک آ سکتی ہے۔
