سعودی عرب کے شاہ سلمان ہیومینیٹیرین ایڈ اینڈ ریلیف سینٹر (کے ایس ریلیف) نے افغانستان میں انسانی ہمدردی کی بنیاد پر امدادی سرگرمیوں کا سلسلہ جاری رکھتے ہوئے صوبہ بدخشاں میں سینکڑوں مستحق خاندانوں میں غذائی پیکجز تقسیم کر دیے، جس سے ہزاروں افراد مستفید ہوئے۔
یہ بھی پڑھیں:’کے ایس ریلیف‘ کی جانب سے سیلاب متاثرین میں غذائی اجناس تقسیم
کے ایس ریلیف نے افغانستان کے صوبہ بدخشاں کے دارالحکومت فیض آباد اور ضلع کوہستان میں 510 خاندانوں میں غذائی امدادی پیکیجز تقسیم کیں۔ اس امداد سے مجموعی طور پر 3 ہزار 60 افراد مستفید ہوئے، جن میں افغان واپس آنے والے شہری، یتیم بچے اور دیگر مستحق افراد شامل ہیں۔
یہ بھی پڑھیں:’کے ایس ریلیف‘ کی جانب سے ’بَثراء‘ مہم کا آغاز، بیرونِ ملک دیہی چھوٹے پروڈیوسرز کنندگان کو بااختیار بنانے کا منصوبہ
یہ امداد 2026 کے لیے اسلامی جمہوریہ افغانستان میں خوراکی تحفظ اور ہنگامی امداد کے منصوبے کے تحت فراہم کی گئی۔ امدادی سرگرمیاں سعودی عرب کی جانب سے کے ایس ریلیف کے ذریعے جاری فلاحی اور انسانی ہمدردی کے منصوبوں کا حصہ ہیں، جن کا مقصد برادر افغان عوام کی مشکلات میں کمی لانا اور انہیں درپیش انسانی بحران میں مدد فراہم کرنا ہے۔
