لاہور قلندرز کے کپتان شاہین شاہ آفرید ی نے رواں سال ہونے والے پاکستان سپر لیگ ( پی ایس ایل) کے آٹھویں سیزن کے لئے اپنی فرنچائز کا آفیشل لوگو ریلیز کردیا۔
لوگو کی خا ص بات یہ ہے کہ لاہور قلندرز کے کپتان شاہین شاہ آفریدی نے اسے خود ڈیزائین کیا ہے۔
لاہور قلندرز کے مالک عاطف رانا نے ٹوئٹر پر ٹویٹ کرتے ہوئے کہا کہ شاہین ہمارا لیڈر ہے، شاہین ہمارا کپتان ہے اور ہماری کٹ بھی وہی ڈیزائن کرےگا۔ جس طرح وہ دلچسپ گیند بازی کرتے ہیں ویسا ہی ڈیزائن بھی دلچسپ ہوگا۔
اس اعلان کے بعد دفاعی چیمپئن لاہور قلندرز نے مائکرو بلاگنگ ویب سائٹ ٹوئٹر پر اپنے آفیشل اکاوٗنٹ سے ایک ویڈیو شیئر کرتے ہوئے اپنے لوگو کی رونمائی کی۔
ویڈیو میں شاہین شاہ آفریدی کو لاہور قلندرز کی نئی جرسی پہنے ہوئے دیکھا جا سکتا ہے۔
The Designer himself with the official logo of LQ sports outlet 🙌#sochnabemanahai pic.twitter.com/2fW0kVT1PW
— Lahore Qalandars (@lahoreqalandars) January 31, 2023
ویڈیومرکز نگاہ تب بنی جب سوشل میڈیا صارفین کو لاہور قلندرز کے لوگو اور ایڈوب فوٹوشاپ کے ایک ڈیزائن میں مماثلت نظر آئی، بس پھر کیا تھا سوشل ٹائم لائنز پر میمز اور تنقید کی بھرمارہو گئی۔
ٹوئٹر صارف عمر فاروق نے لکھا لاہور قلندرز کچھ شرم کیجئے، یہ سٹاک لوگو ہے، لاہور قلندرز کو بدنا م نہ کریں۔
Have some shame @lahoreqalandars
It's a stock logo, don't defame LQ for merch 👎🏻 pic.twitter.com/EJ77sjIGDv— Umar FarOoq 🇵🇰 (@UmarFarooqGL) January 31, 2023
کچھ صارفین طنزو مزاح کرتے نظرآئے البتہ چند دیگر نے دعوی کیا کہ یہ لوگو کہیں سے نقل کیا گیا ہے۔
اسی تناظر میں تبصرہ کرتے ہوئے ایک صارف نے لکھا میں تعریف کرنے والا تھا لیکن ۔۔۔پھر میری نظر کمنٹس پر پڑی۔۔۔
کچھ ایسے صارفین بھی تھے جو ہر حال میں شاہین آفریدی کی تعریف کرنے پر بضد تھے۔ ایک ٹوئٹر صارف نے لکھا اس لڑکے نے زندگی میں کچھ بہترین فیصلے کئے ہیں ،ہمیشہ انوکھی چیزوں کا انتخاب کرتا ہے۔
I was about to appreciate it but then i saw the comments 😂😂😂😂omg 😭😭😭😭
— MD (@ShurliFC) January 31, 2023
لاہور قلندرز کے مداح لوگو کو نقل شدہ قرار دیتے ہوئے پرانا لوگو استعمال کرنے کا مشورہ دیتے ہوئے لکھتے ہیں کہ شکریہ اس مذاق کے لئے ، ہم پرانا لوگو ہی استعمال کریں گے۔
ایک اور صارف نے لکھا چوری کرنے سے اچھا ہے بھیک مانگ لو بےشرمو۔
We will use last logo thanks for this joke 🙏🏻🙏🏻
— چوہدری جواد (@JDchauhdary) February 1, 2023
پاکستان سپر لیگ کا آٹھواں سیزن جیسے جیسے نزدیک آتا جا رہا ہے سوشل میڈیا صارفین نے بھی میمز اور تجزیوں کے لئے کمر کس لی ہے۔ یاد رہے کہ پی ایس ایل آٹھ کا آغاز 13 فروری سے ملتان میں ہوگا جس کے افتتاحی میچ میں دفاعی چیمپئن لاہور قلندرز ملتان سلطانز کے مد مقابل ہوں گے۔