بیڈمنٹن مینز سنگلز کے عالمی نمبر 3 کھلاڑی اینڈرز اینٹونسن نے بدھ کے روز کہا ہے کہ انہوں نے دہلی میں ’انتہائی‘ فضائی آلودگی کے باعث جاری انڈیا اوپن ٹورنامنٹ سے دستبردار ہونے کا فیصلہ کیا۔
ڈنمارک کے اس کھلاڑی کو اپنے فیصلے پر بیڈمنٹن ورلڈ فیڈریشن کی جانب سے 5 ہزار امریکی ڈالر جرمانہ بھی ادا کرنا پڑا۔
یہ بھی پڑھیں: دنیا کے 20 آلودہ ترین شہروں میں 13 بھارتی شہر شامل، نئی رپورٹ جاری
اینٹونسن 4 بار ورلڈ چیمپئن شپ کے تمغہ یافتہ کھلاڑی ہیں۔
ان کا یہ فیصلہ ایک روز بعد سامنے آیا جب ان کی ہم وطن کھلاڑی میا بلیخ فیلڈ نے بھی 9 لاکھ 50 ہزار ڈالر انعامی رقم والے اس ایونٹ میں کھیل کے حالات پر تنقید کی تھی۔
World No. 3 Anders Antonsen has withdrawn from the India Open 2026 due to hazardous air pollution in New Delhi. He cited, it’s not ideal to host a badminton event under current conditions. pic.twitter.com/OKENV9Wkzu
— Mohammed Zubair (@zoo_bear) January 14, 2026
اینٹونسن نے انسٹاگرام پر لکھا کہ بہت سے لوگ جاننا چاہتے ہیں کہ میں مسلسل تیسرے سال انڈیا اوپن سے کیوں دستبردار ہوا ہوں۔
’اس وقت دہلی میں فضائی آلودگی کی صورتحال انتہائی خراب ہے اور میرے خیال میں یہ بیڈمنٹن ٹورنامنٹ کے انعقاد کے لیے موزوں جگہ نہیں۔‘
مزید پڑھیں: لاہور کا ایئر کوالٹی انڈیکس بھارت کے رحم و کرم پر، نیا اسموگ الرٹ جاری
انہوں نے انسٹاگرام پر دہلی کے ایئر کوالٹی انڈیکس کا اسکرین شاٹ بھی شیئر کیا، جس میں آلودگی کی سطح 348 ظاہر کرتے ہوئے اسے ’انتہائی خطرناک‘ قرار دیا گیا تھا۔
واضح رہے کہ دہلی گزشتہ کئی برسوں سے شدید فضائی آلودگی کا سامنا کر رہا ہے۔
Another major embarrassment for India as a host nation
World No.2 Dane Anders Antonsen has revealed he pulled out of the Indian Open due to severe pollution in Delhi, saying the city is “not fit to host an international badminton event.” He even accepted a $5,000 fine.
A day… pic.twitter.com/SnxU2EyqkU— Faizan Lakhani (@faizanlakhani) January 14, 2026
ہر سال موسم سرما میں گاڑیوں کے دھویں، گردوغبار اور فصلوں کی باقیات جلانے کے باعث فضائی معیار مزید خراب ہو جاتا ہے۔
شہر اکثر گہرے اسموگ کی لپیٹ میں آ جاتا ہے، جسے ماہرین صحت کے لیے خطرناک قرار دیتے ہیں۔
مزید پڑھیں: دہلی کا سموگ ختم کرنے کے لیے بھارتی حکومت کیا تدابیر اختیار کر رہی ہے؟
انڈیا اوپن اس مرتبہ اندرا گاندھی انڈور اسٹیڈیم میں منعقد ہو رہا ہے، جسےبیڈمنٹن ایسوسی ایشن آف انڈیا نےحالیہ برسوں میں اس ٹورنامنٹ کی میزبانی کرنیوالے ڈی جادھو انڈور اسٹیڈیم سے منتقل کیا تھا۔
اندرا گاندھی انڈور اسٹیڈیم میں اگست میں ہونے والی بی ڈبلیو ایف ورلڈ چیمپئن شپ کی میزبانی بھی طے ہے۔
اینٹونسن نے مزید لکھا کہ امید ہے کہ ورلڈ چیمپئن شپ کے دوران گرمیوں میں حالات بہتر ہوں گے۔
مزید پڑھیں: نئی دہلی میں بڑھتی فضائی آلودگی کے خلاف احتجاج، درجنوں مظاہرین گرفتار
’تاہم، اس فیصلے کے نتیجے میں بی ڈبلیو ایف نے ایک بار پھر مجھ پر 5 ہزار ڈالر جرمانہ عائد کیا ہے۔‘
بیڈمنٹن ورلڈ فیڈریشن کے پلیئر کمٹمنٹ قوانین کے مطابق، ورلڈ ٹور لیول 1 سے 3 کے کسی ایونٹ میں شرکت نہ کرنے والے اعلیٰ درجے کے کھلاڑی پر معیاری دستبرداری فیس کے علاوہ 5 ہزار ڈالر جرمانہ عائد کیا جاتا ہے۔
