کراچی پولیس ایسٹ انویسٹگیشن ون نے رواں سال کی سب سے بڑی کارروائی میں بچوں سے زیادتی میں ملوث مرکزی ملزم کو ساتھی سمیت گرفتار کرلیا ہے۔
ایس پی انویسٹگیشن عثمان سدوزئی کے مطابق مرکزی ملزم عمران نے 100 سے زائد بچوں سے زیادتی کی، ٹیم نے متاثرہ بچےکی نشاندہی پر ٹیپوسلطان میں کارروائی کی، گرفتار ملزمان میں شامل ہیں۔
یہ بھی پڑھیں: بچیوں سے زیادتی کے ملزم پر عدالت کے احاطے میں تشدد
ایس پی انویسٹگیشن کے مطابق 2020 سے 2025 کے دوران کراچی پولیس کے پاس بچوں سے بدفعلی کی 7 شکایات رپورٹ ہوئی تھیں، مختلف اضلاع سے رپورٹ ہونیوالے کیسزمیں ڈی این اے ایک ہی شخص کا ملا تھا۔
پولیس آفیسر نے بتایا کہ 6 سال سے الگ کیسز میں ایک ہی ڈی این اے ملنے پر تفتیش کا دائرہ وسیع کیا گیا، تمام کیسز میں 12 سے 13 سال کے لڑکوں کو زیادتی کا نشانہ بنایا گیا، ایک کیس میں بچے سے 2 سے زائد افراد نے زیادتی کی۔
ایس پی عثمان سدوزئی کے مطابق ایڈیشنل آئی جی کراچی آزاد خان نے 6 جنوری کو اس ضمن میں تفتیشی ٹیم تشکیل دی تھی، ٹیم ڈی آئی جی سی آئی اے مقدس حیدر کی سربراہی میں بنائی گئی تھی، ٹیم نے 11 روز کے اندر مطلوب ملزمان کو گرفتار کیا۔
پولیس ریکارڈ کے مطابق ملزم عمران منظورکالونی کا رہائشی ہے اور پنکچرکی مرمت کا کام کرتا ہے، اور اس نے 6 سال میں درجنوں بچوں سے زیادتی کا اعتراف کیا، عمران نے تمام بچوں کو ملیرندی کے قریب لے جا کر زیادتی کا نشانہ بنایا۔
مزید پڑھیں: درجنوں بچوں سے زیادتی کے مرتکب شخص سے متعلق نئے انکشافات سامنے آگئے
عثمان سدوزئی کے مطابق عمران بچوں کو موٹرسائیکل کا لالچ دے کر ساتھ لے جاتا تھا، درج شدہ تمام 7 مقدمات میں ملزم کا ڈی این اے میچ کرگیا تھا، 3 کیسز میں بچوں نے ملزم عمران کو شناخت کرلیا، جبکہ ایک کیس میں بچے نے عمران اور ساتھی وقاص خان کو بھی پہچانا۔
ملزم عمران ایک بچے کو وقاص کے ساتھ سرجانی بھی لے گیا تھا، بچے نے شور مچایا تو دونوں ملزمان موقع سے فرار ہوگئے۔
بریکنگ
کراچی میں پولیس کی سال کی سب میں بڑی کارروائی
ایسٹ انویسٹگیشن ون نے خفیہ اطلاع پر 100 سے زائد بچوں سے بدفعلی کرنے والا سیریل ریپسٹ ساتھی سمیت گرفتار کرلیا
خصوصی تحقیقاتی ٹیم نے متاثرہ بچے کی نشاندہی پر ٹیپوسلطان میں کارروائی کی،
گرفتار ملزمان میں مرکزی ملزم عمران اور… pic.twitter.com/N0JbPBXD2a— Shahid Hussain (@ShahidHussainJM) January 17, 2026
بچوں سے زیادتی میں ملوث ملزم کی گرفتاری پر وزیراعلی سندھ مرادعلی شاہ نے پولیس کو شاباش دیتے ہوئے کہا ہے کہ وہ بچوں سے زیادتی کے کیسز کسی صورت برداشت نہیں کریں گے۔
مزید پڑھیں: 100 سے زائد بچوں سے زیادتی کا مرتکب شخص گرفتار، ویڈیوز برآمد، این سی آر سی کا شدید ردعمل
اپنے ایک بیان میں وزیراعلیٰ سندھ مراد علی شاہ نے کراچی میں بچوں سے زیادتی کرنے والے ملزم کی گرفتاری کو بڑی کامیابی قرار دیتے ہوئے کہا کہ ابھی تک صرف 7 متاثرین سامنے آئے ہیں، پولیس باقی متاثرین کو تلاش کرے اور شواہد کی بنیاد پر کیس عدالت میں لےجایاجائے۔
’مجھے روزانہ کی بنیاد پر کیس کی پیشرفت رپورٹ دی جائے، حکومت سندھ کیلیے بچوں سے زیادتی ناقابل قبول ہے، بچوں کے تحفظ کیلیے حکومت سندھ نے کئی اقدامات کیے ہیں، پولیس ملزمان کو سزا دلوانے کےلیے بھرپور اقدامات کرے، شہر میں کسی درندے کی کوئی جگہ نہیں۔‘
