کویت سٹی: دنیا کے گرم ترین ملک کویت میں ژالہ باری کے بعد شہری تفریح کی غرض سے سڑکوں پر نکل آئے۔
غیر ملکی خبر رساں ایجنسی کے مطابق کویت کا درجہ حرارت 50 ڈگری سینٹی گریڈ سے بھی بڑھ جاتا ہے اور یہاں شاذ و نادر ہی ژالہ باری ہوتی ہے تاہم حالیہ کویت کے حالیہ موسم میں تبدیلی آئی ہے۔
ژالہ باری کے باعث کویت کی سڑکوں پر برف جم گئی جس سے کویت کے شہری محضوض ہونے کے لیے سڑکوں پر نکل آئے جبکہ کویت کا درجہ حرارت منفی ڈگری سینٹی گریڈ پر تھا۔
کویت کی سڑکوں پر برف جم جانے کی وجہ سے وزرائے داخلہ نے کئی سڑکوں کو بند کر دیا اور ٹریفک کے لیے متبادل راستے کھول دیئے گئے۔
کویتی محکمہ موسمیات کے مطابق ملک کے مختلف شہروں میں موسلادھار بارش ہوئی ہے جس کی مقدار 63 ملی میٹر رہی۔ ملک بھر میں سردی کی شدید لہر کے باعث اولے اور ژالہ باری ہوئی ہے جس کے باعث سڑکوں پر برف جم گئی ہے۔
