سعودی سرکاری ایجنسی نے کہا ہے کہ آج اتوار کو اس سال پہلی بارسورج خانہ کعبہ کے عین اوپر سے گزرے گا۔ اس سے خانہ کعبہ کی سمت کا تعین کیا جا سکتا ہے۔
آج کعبہ کا سایہ نہیں ہو گا اور دنیا بھرمیں ہر شے کے سائے کا رخ کعبہ شریف کی طرف ہو جائے گا۔ اس کے بعد دوبارہ سورج 16جولائی کو بیت اللہ کے اوپر سے گزرے گا اور اس روز بھی قبلہ رخ کا تعین کیا جا سکتا ہے۔
جدہ میں فلکیاتی سوسائٹی کے سربراہ ماجد ابو زہرہ نے بتایا ہے کہ اس وقت سورج اپنی زیادہ سے زیادہ بلندی پر تقریباً 90 ڈگری پرعین کعبتہ اللہ کے اوپر ہوگا۔ اس کا مطلب یہ ہے کہ سورج کعبہ کے اوپرعمودی سیدھ میں ہو جائے گا، جس سے کعبہ کا سایہ اس کے چاروں اطراف سے بالکل غائب ہو جائے گا۔
انہوں نے بتایا کہ سورج کے خانہ کعبہ پر سے گزرنے کا عمل سال میں دو مرتبہ ہوتا ہے ۔ سورج کے خانہ کعبہ پر عمودی ہونے کا واقعہ خط استوا اور ٹراپک آف سیارہ کینسر کے درمیان کعبہ کے مقام کے آنے کے نتیجے میں ہوتا ہے اور اس طرح کی صورت حال اس سال جولائی میں دوبارہ ہو گی جب خانہ کعبہ سورج اور سیارہ سرطان کے درمیان آ جائے گا۔
کعبہ کے اوپر سورج کے کھڑے ہونے کو جغرافیائی طور پر مکہ مکرمہ سے دور علاقوں میں قبلہ کی سمت کا تعین کرنے کے لیے استعمال کیا جاتا ہے تاکہ زمین پر لکڑی یا پلاسٹک کا ایک ٹکڑا عمودی طور پر لگایا جائے اور سایہ کی نگرانی کی جائے اور قبلہ کی سمت معلوم کی جائے سایہ جس سمت ہو گا کعبہ بھی اسی سمت ہوگا۔
جدہ میں فلکیاتی سوسائٹی کے سربراہ ماجد ابو زہرہ نے اس کے وقت کا تعین سعودی وقت کے مطابق 9 بج کر 18 منٹ بتایا ہے۔
