وفاقی وزیر مواصلات عبدالعلیم خان نے بالائی خیبرپختونخوا اور گلگت بلتستان میں شدید برفباری کے پیشِ نظر قومی شاہراہوں کو ہر صورت قابلِ آمدورفت رکھنے کی ہدایت جاری کی ہے۔
وزیر مواصلات نے کہا کہ این ایچ اے کا فیلڈ اسٹاف الرٹ رہے گا اور صورتحال کی 24 گھنٹے مانیٹرنگ کی جائے گی۔
مزید پڑھیں: بلوچستان کے بالائی علاقوں میں شدید برفباری، اہم قومی شاہراہیں بند
وزیر مواصلات نے شہریوں سے کہا کہ سڑک بندش یا دیگر مشکلات کی صورت میں وہ فوری طور پر این ایچ اے کے متعلقہ نمبروں پر رابطہ کریں۔
بالائی علاقوں میں برفباری کے دوران قومی شاہراہوں پر ٹریفک کی بحالی اولین ترجیح ہوگی، تاکہ لوگوں کی نقل و حرکت بلا تعطل جاری رہے۔
ملکہ کوہسار مری برفباری شروع pic.twitter.com/1WxL2lXqu7
— Pakistan Tourism (@PakistanJannatt) January 22, 2026
اسلام آباد: بارش کے باعث شہر کی سڑکوں پر ٹریفک کی روانی سست روی کا شکار
ترجمان اسلام آباد پولیس کے مطابق بارش کے باعث شہر کی سڑکوں پر ٹریفک کی روانی سست روی کا شکار ہے۔ ٹریفک سست ہونے سے مختلف شاہراوں پر ٹریفک کا دباؤ ہے۔
مزید پڑھیں: مری اور گلیات میں شدید بارش و برفباری کی پیشگوئی، سیاحوں کے لیے الرٹ جاری
ترجمان نے شہریوں سے گزارش ہے کہ وہ اضافی وقت کے ساتھ سفر کریں۔ اسلام آباد ٹریفک پولیس کے افسران ٹریفک کی روانی کو یقینی بنانے کے لیے سڑکوں پر موجود ہیں۔ کسی بھی اپ ڈیٹ کے لئے ٹریفک ہیلپ لائن 1915 یا پکار 15 پر رابطہ کرسکتے ہیں۔
