وزیرِ منصوبہ بندی احسن اقبال نے واضح طور پر کہا ہے کہ ووٹر کی عمر 18 سال سے بڑھا کر 25 سال کرنے سے متعلق جو خبریں پھیل رہی ہیں وہ بنیاد ہی نہیں رکھتیں۔
مزید پڑھیں: این ایف سی ایوارڈ میں آبادی کا معیار اصلاح طلب ہے، احسن اقبال کی نشاندہی
احسن اقبال نے سوشل میڈیا پر جاری اپنے بیان میں تصدیق کی کہ ایسی کوئی قانون سازی زیرِ غور نہیں اور نہ ہی حکومت نے اس بارے میں کوئی بل تیار کیا ہے۔
Reports of increasing voters age from 18 years to 25 years are baseless. There is no such legislation under consideration. pic.twitter.com/IbXQSbFo77
— Ahsan Iqbal (@betterpakistan) January 22, 2026
انہوں نے کہا کہ پاکستان کی نوجوان نسل ملک کا سب سے بڑا اثاثہ ہے اور ان کے سیاسی حقوق سے کسی قسم کی محرومی کا تصور بھی نہیں کیا جا سکتا۔ احسن اقبال نے اس تاثر کو غلط فہمی اور غلط معلومات پھیلانے کی مہم قرار دیا ہے۔
مزید پڑھیں: احسن اقبال کا بیان حکومت کی ناکامیوں کو چھپانے کی بھونڈی کوشش ہے، پی ٹی آئی
واضح رہے کہ حال ہی میں سوشل میڈیا اور کچھ حلقوں میں ووٹنگ کی عمر بڑھانے کے حوالے سے بحث چل رہی تھی، مگر حکومت نے صراحت کے ساتھ مسترد کر دیا ہے کہ 18 سال کی عمر رکھنے والے نوجوان ووٹ دینے کے حق سے محروم نہیں کیے جائیں گے۔
