لاہور پولیس نے گھریلو ملازمہ کے ساتھ جنسی زیادتی کے الزام پر سابق کرکٹر عبدالقادر کے بیٹے سلمان قادر کو گرفتار کرلیا ہے۔
یہ بھی پڑھیں: سابق ٹیسٹ کرکٹر گھریلو تشدد کے الزام میں گرفتار
لاہورپولیس کے مطابق سابق کرکٹر کے بیٹے سلمان قادر پر گھریلو ملازمہ (م) نے جنسی زیادتی کا الزام عائد کیا گیا ہے، جس پر پولیس نے مقدمہ درج کر لیا ہے۔
تھانہ برکی میں درج ایف آئی آر کے مطابق ملازمہ (م) کا کہنا ہے کہ سلمان قادر نے اسے فون کر کے کہا کہ جلد کام پر آ جاؤ، پھر اسے گاڑی میں بٹھا کر اپنے فارم ہاؤس لے گیا۔ وہاں ملزم نے اسے زبردستی جنسی درندگی کا نشانہ بنایا۔
یہ بھی پڑھیں: آن لائن جوئے کی تشہیر پر وسیم اکرم کی تصویر، ’کیا سابق کپتان کو کچھ نہیں کہا جائے گا؟‘
پولیس نے مقدمہ درج کرکے ملزم سلمان قادر کو گرفتار کرلیا ہے اور معاملے کی تحقیقات شروع کردی ہیں۔
