پاکستان کرکٹ بورڈ نے آج ٹی 20 ورلڈ کپ 2026 کے لیے 15 رکنی اسکواڈ کا اعلان کر دیا، سابق کرکٹرز راشد لطیف نے اسکواڈ کے انتخاب پر اپنے تجزیات میں کہا کہ ٹیم میں کئی نئے کھلاڑی شامل ہیں جبکہ چند تجربہ کار کھلاڑیوں کو آرام دیا گیا ہے۔
Road to 🏆 2026 begins!
🇵🇰 Squad unveiled for the ICC Men’s T20 World Cup 🌍
Read More 👉🏻 https://t.co/iooMXUS5g6#BackTheBoysInGreen #T20WorldCup pic.twitter.com/VOSkvs05MC
— Pakistan Cricket (@TheRealPCB) January 25, 2026
نجی ٹیلی ویژن سے گفتگو میں سابق کھلاڑی راشد لطیف نے کہا کہ ٹیم کے انتخاب میں مخصوص کھلاڑیوں کو میچز کی نوعیت اور سری لنکا کی کنڈیشنز کے مطابق منتخب کیا گیا، اور یہی وجہ ہے کہ اسکواڈ میں کچھ نئے اور کچھ تجربہ کار کھلاڑی شامل کیے گئے ہیں۔
انہوں نے مزید کہا کہ فاسٹ باؤلنگ کے شعبے میں ابھی کچھ کھلاڑیوں کی فٹنس اور فارم پر نظر رکھنا ضروری ہے۔
Aqib Javed, Mike Hesson & T20I Captain Salman Ali Agha Press Conference at GSL Lahore
🔴 Watch Live 👉🏻 https://t.co/drBPrc0qXi#BackTheBoysInGreen #T20WorldCup pic.twitter.com/UxnwDXNMUi
— Pakistan Cricket (@TheRealPCB) January 25, 2026
انہوں نے کہا کہ ٹیم کی کمبی نیشن اچھی ہے، لیکن کچھ کھلاڑی ابھی بین الاقوامی سطح کے دباؤ کے لیے مکمل تیار نہیں ہیں۔ ان کے مطابق ٹیم کا مقصد نہ صرف مضبوط اسکواڈ تشکیل دینا ہے بلکہ نئے ٹیلنٹ کو بھی ورلڈ کپ کے ماحول میں تجربہ فراہم کرنا ہے۔
یہ بھی پڑھیں:عالمی کرکٹ کی قیادت انصاف اور برابری کی بنیاد پر ہونی چاہیے، شاہد آفریدی کی آئی سی سی پر تنقید
یاد رہے کہ پاکستان کرکٹ بورڈ نے آج لاہور میں پریس کانفرنس کے دوران 15 رکنی ٹی 20 ورلڈ کپ اسکواڈ کا اعلان کر دیا۔ پریس کانفرنس میں عاقب جاوید، مائیک ہیسن اور سلمان علی آغا نے شرکت کی اور ٹیم کے ناموں کے ساتھ ساتھ کپتان کے انتخاب کا بھی اعلان کیا۔ اس اسکواڈ کے لیے سلمان علی آغا کو پاکستانی ٹیم کا کپتان مقرر کیا گیا ہے۔
نیشنل سلیکشن کمیٹی نے اسکواڈ میں فہیم اشرف، خواجہ محمد نافع، محمد سلمان مرزا، صاحبزادہ فرحان اور عثمان طارق کو شامل کیا ہے۔ علاوہ ازیں ابرار احمد، بابر اعظم، فخر زمان، محمد نواز، شاہین شاہ آفریدی، عثمان خان، صائم ایوب، شاداب خان اور نسیم شاہ بھی ٹیم کا حصہ ہیں۔
