وفاقی وزیر برائے قومی صحت خدمات مصطفیٰ کمال نے کہا ہے کہ حکومت عوام کو ان کی دہلیز پر بہتر اور معیاری طبی سہولیات فراہم کرنے کے لیے پُرعزم ہے۔
بڑے اسپتالوں پر مریضوں کا دباؤ کم ہوگا
اسلام آباد میں ایک تقریب سے خطاب کرتے ہوئے مصطفیٰ کمال کا کہنا تھا کہ بنیادی سطح پر صحت کی سہولیات بہتر بنانے سے بڑے اسپتالوں پر مریضوں کا دباؤ کم ہوگا اور عوام کو فوری علاج میسر آ سکے گا۔
بنیادی مراکزِ صحت کی نگرانی کے لیے ٹیکنالوجی کا استعمال
وفاقی وزیر نے بتایا کہ بنیادی مراکزِ صحت (بی ایچ یوز) کی کارکردگی کی نگرانی کے لیے جدید ٹیکنالوجی کا استعمال کیا جائے گا تاکہ نظام کو مؤثر، شفاف اور جوابدہ بنایا جا سکے۔
مصطفیٰ کمال نے اس عزم کا اعادہ کیا کہ صحت کے شعبے میں اصلاحات حکومت کی اولین ترجیحات میں شامل ہیں اور اس سلسلے میں تمام دستیاب وسائل بروئے کار لائے جائیں گے۔
