میٹا نے اعلان کیا ہے کہ وہ انسٹاگرام، فیس بک اور واٹس ایپ پر نئی سبسکرپشنز آزما رہا ہے، جو صارفین کو خصوصی فیچرز، زیادہ کنٹرول اور آرٹیفیشل انٹیلیجنس کی اضافی صلاحیتیں فراہم کریں گی۔
میڈیا رپورٹس کے مطابق میٹا کے ملکیتی سوشل میڈیا پلیٹ فارم پر بنیادی سروسزمفت رہیں گی، ہر ایپ کی سبسکرپشن میں منفرد فیچرز ہوں گے اور مختلف سبسکرپشنز اور بنڈلز کو ٹیسٹ کیا جائے گا۔
یہ بھی پڑھیں: میٹا نے تھریڈز پر اشتہارات شروع کرنے کا اعلان کردیا، مونیٹائز کی جانب اہم قدم
کمپنی نے یہ بھی بتایا کہ وہ حال ہی میں 2 ارب ڈالر میں خریدے گئے آرٹیفیشل انٹیلیجنس ایجنٹ مانس کو اپنی مصنوعات میں ضم کرے گا اور کاروباری اداروں کے لیے علیحدہ سبسکرپشنز بھی جاری رکھے گا۔
انسٹاگرام میں صارفین لامحدود آڈیئنس لسٹس بنانے، فالو بیک نہ کرنے والے صارفین کی فہرست دیکھنے اور اسٹوریز خفیہ طور پر دیکھنے جیسے فیچرز استعمال کر سکیں گے۔
Meta are reportedly set to test premium subscriptions for Facebook, WhatsApp and Instagram
The idea behind the move is to “unlock more productivity and creativity” while expanding on AI integration pic.twitter.com/6WNaNS0NdC
— Dexerto (@Dexerto) January 27, 2026
میٹا وائبز نامی آرٹیفیشل انٹیلیجنس ویڈیو فیچر کے لیے بھی پریمیئم سبسکرپشن متعارف کرانے کا ارادہ رکھتا ہے، جس سے صارفین ہر ماہ اضافی ویڈیوز تخلیق کر سکیں گے۔
نئی سبسکرپشنز میٹا ویریفائڈ سے الگ ہوں گی اور عام صارفین، کریئیٹرزاورکاروباری اداروں کے لیے مزید سہولیات فراہم کریں گی۔
مزید پڑھیں:میٹا نے چینی اے آئی ’مانس‘ 2 ارب ڈالر میں خرید لیا
میٹا کا مقصد سبسکرپشنز کے ذریعے آمدن بڑھانا ہے، لیکن صارفین کی سبسکرپشن کے بوجھ کو مدنظر رکھتے ہوئے اسے پرکشش اور مفید پیش کرنا ہوگا۔
اسنیپ چیٹ کے پلس ماڈل سے یہ ثابت ہوتا ہے کہ سوشل میڈیا سبسکرپشنز کی مارکیٹ موجود ہے، کیونکہ اس کے سبسکرائبرز کی تعداد 16 ملین سے تجاوز کر چکی ہے۔
