کیا میٹرو میں اسٹنٹ کرنے پر بالی ووڈ اداکار ورون دھون پر جرمانہ عائد کیا گیا؟ حقیقت سامنے آگئی

بالی ووڈ اداکار ورون دھون کی جانب سے ممبئی میٹرو کوچ کے اندر جسمانی ورزش (پل اپس) کرنے کی ویڈیو سوشل میڈیا پر وائرل ہونے کے بعد ان پر قوانین کی خلاف ورزی سے متعلق خبروں نے زور پکڑ لیا تھا۔ تاہم اب اداکار کی ٹیم نے ان اطلاعات کی تردید کرتے ہوئے واضح کیا ہے کہ ورون دھون پر کسی بھی قسم کا جرمانہ یا قانونی کارروائی عمل میں نہیں لائی گئی۔

ورون دھون کی ٹیم کی جانب سے جاری کردہ سرکاری بیان میں کہا گیا ہے کہ میڈیا میں گردش کرنے والی جرمانے سے متعلق خبریں درست نہیں ہیں۔ بیان کے مطابق ممبئی میٹرو حکام کی جانب سے جاری کیا گیا سوشل میڈیا پوسٹ بھی ہٹا لیا گیا ہے جس کے بعد اس معاملے سے متعلق تمام غلط فہمیاں دور ہو چکی ہیں۔

जब मेट्रो में वरुण धवन का 'एक्शन' पड़ा भारी🚇

Varun Dhawan का मुंबई मेट्रो में 'Pull-ups' वाला वीडियो आग की तरह वायरल है, जहाँ फैंस उनके फिटनेस लेवल को देख हैरान हैं,

वहीं मुंबई मेट्रो अथॉरिटी (MMMOCL) ने साफ़ कह दिया है,
"वरुण, यह आपकी फिल्म का सेट नहीं है!"

ट्रैफिक से बचने… pic.twitter.com/VhLZnCjov7

— Vishal Mohan Yadav (@VishalMYadav_) January 27, 2026

بیان میں مزید کہا گیا کہ ورون دھون قوانین، عوامی نظم و ضبط اور ممبئی میٹرو انتظامیہ کی کوششوں کا بھرپور احترام کرتے ہیں۔ اداکار کی ٹیم نے اس بات کی بھی تصدیق کی کہ اس معاملے سے متعلق کوئی زیر التوا مسئلہ موجود نہیں ہے۔

یہ بھی پڑھیں: سعود بالی ووڈ اسٹار ورن دھون سے مشہور اداکار ؟ جویریہ سعود کا انکشاف

واضح رہے کہ ورون دھون کی فلم بارڈر 2 کو گلشن کمار اور ٹی سیریز نے جے پی دتہ کی جے پی فلمز کے اشتراک سے پیش کیا ہے۔ فلم کے پروڈیوسرز میں بھوشن کمار، کرشن کمار، جے پی دتہ اور ندھی دتہ شامل ہیں جبکہ ہدایت کاری انوراگ سنگھ نے کی ہے۔

جے پی دتہ کی بلاک بسٹر فلم بارڈر 1997 میں ریلیز ہوئی تھی جس میں سنی دیول، جیکی شروف، سنیل شیٹی، اکشے کھنہ، پونیت اسر، سدیش بیری اور کل بھوشن کھربندہ نے اہم کردار ادا کیے تھے۔ فلم میں تبو، پوجا بھٹ، راکھی گلزار، شربانی مکھرجی، سپنا بیدی اور راجیو گوسوامی بھی شامل تھے۔