پاکستان کسٹمز نے کراچی ائیرپورٹ پر کارروائی کرتے ہوئے 1185 گرام سونے کے زیورات اور بھاری مقدار میں کاسمیٹکس، پرفیومز اور ہینڈ بیگز برآمد کر لیے ہیں۔ برآمد شدہ سامان کی مجموعی مالیت قریباً 5 کروڑ 80 لاکھ روپے بتائی گئی ہے۔
مزید پڑھیں: اے ایس ایف کی کراچی ائیرپورٹ پر کارروائی، مسافر سے 9 کلوگرام ہیروئن برآمد
ایف بی آر کے مطابق پاکستان کسٹمز کے اسپیشل پروفائلنگ سیل نے شبے کی بنیاد پر امریکا سے آنے والے ایک مسافر کو گرین چینل سے ریڈ چینل منتقل کیا۔ اسکیننگ مشین کے ذریعے مسافر کے سامان کی جانچ پر بھاری مقدار میں کاسمیٹکس، پرفیومز، ہینڈ بیگز اور سونے کے زیورات کی موجودگی کا انکشاف ہوا۔
پاکستان کسٹمز نے کراچی ائرپورٹ پر 1185 گرام سونے کے زیورات اور بھاری مقدار میں کاسمیٹکس، پرفیومز اور ہینڈ بیگز برآمد کر لیے۔ سامان کی مجموعی مالیت قریباً 5 کروڑ 80 لاکھ روپے ہے۔ ایف بی آر@AmirSaeedAbbasi @KulAalam #Karachi #fbr pic.twitter.com/BgjtnszeJo
— Media Talk (@mediatalk922) January 30, 2026
مزید پڑھیں: کراچی ایئرپورٹ: نجی ایئر لائن عملے نے مسافر کا پاسپورٹ پھاڑ دیا، جدہ کی پرواز سے محروم
سونے کی درست مقدار کے تعین کے لیے بلائے گئے جیولر نے زیورات کا وزن قریباً 1185 گرام بتایا۔ کسٹمز حکام نے تمام سامان تحویل میں لے کر کسٹمز ایکٹ 1969 کے تحت مقدمہ درج کرلیا ہے جبکہ مزید قانونی کارروائی جاری ہے۔
