نجی ایئر لائن ایئربلیو کے بورڈنگ اور ٹکٹنگ کاؤنٹر پر عملے کی مبینہ غفلت کے باعث ایک مسافر جدہ جانے والی پرواز سے محروم ہو گیا۔ متاثرہ مسافر قدرت اللہ کراچی سے ایئربلیو کی پرواز پی اے 170 کے ذریعے جدہ روانہ ہو رہا تھا۔
مزید پڑھیں: پی آئی اے کی خریداری میں دوست ممالک کی ایئر لائنز کی دلچسپی کیوں نہیں؟
ذرائع کے مطابق جناح ٹرمینل پر ٹکٹ کی کنفرمیشن کے دوران ایئربلیو کے ٹکٹنگ کاؤنٹر اسٹاف سے ممکنہ طور پر مسافر کا پاسپورٹ پھاڑ دیا، جس کے باعث قدرت اللہ بین الاقوامی سفر کے لیے نااہل قرار پایا اور پرواز میں سوار نہ ہو سکا۔
کراچی ائیرپورٹ: نجی ایئر لائن ایئربلیو کے بورڈنگ اور ٹکٹنگ کاؤنٹر پر عملے کی مبینہ غفلت کے باعث ایک مسافر جدہ جانے والی پرواز سے محروم ہو گیا۔ متاثرہ مسافر قدرت اللہ کراچی سے ایئربلیو کی پرواز پی اے 170 کے ذریعے جدہ روانہ ہو رہا تھا۔@AsadAToor pic.twitter.com/R6Z9U9henh
— Media Talk (@mediatalk922) December 16, 2025
پاسپورٹ کے پھٹ جانے پر پرواز پی اے 170 مسافر کو چھوڑ کر جدہ روانہ ہو گئی۔ مسافر قدرت اللہ ایک گروپ کے ہمراہ سعودی عرب روزگار کے لیے جا رہا تھا، تاہم اچانک پیش آنے والے اس واقعے نے اس کے سفری منصوبے کو شدید متاثر کیا۔
مزید پڑھیں: یورپ کی طرف پاکستانی پروازوں پرپابندی عمران خان دورحکومت میں کیوں عائد ہوئی؟
پاسپورٹ نقصان پہنچنے پر مسافر نے جناح ٹرمینل پر شدید احتجاج کیا اور مؤقف اختیار کیا کہ پھٹے ہوئے پاسپورٹ پر بین الاقوامی سفر ممکن نہیں۔ ذرائع کے مطابق اب مسافر کو سعودی عرب جانے کے لیے نیا پاسپورٹ بنوانا پڑے گا۔
واقعے کے بعد ائیرلائن عملے کی غفلت پر سوالات اٹھنے لگے ہیں، جبکہ متاثرہ مسافر نے نقصانات کے ازالے کا مطالبہ بھی کیا ہے۔
