ڈسٹرکٹ اینڈ سیشن کورٹ اسلام آباد نے فراڈ کیس میں سابق وفاقی وزیر فواد چوہدری کو فراڈ کے ایک مقدمے میں بری کردیا۔
یہ بھی پڑھیں: ڈسٹرکٹ اینڈ سیشن کورٹ اسلام آباد نے فراڈ کیس میں فواد چوہدری پر فرد جرم عائد کردی
جوڈیشل مجسٹریٹ شائستہ کنڈی نے فواد چوہدری کے خلاف فراڈ کیس کی سماعت کی جس کے دوران عدالت نے فواد چوہدری کو فراڈ کیس سے بری کر دیا گیا۔
سماعت کے موقع پر فواد چوہدری اپنے وکلا شمس اقبال ایڈووکیٹ اور قمر عنایت راجہ ایڈووکیٹ کے ہمراہ عدالت میں پیش ہوئے جبکہ شکایت کنندہ ملک محمد ظہیر عدالت میں موجود تھے تاہم ان کے وکیل فرحان منظور پیش نہ ہو سکے۔
مزید پڑھیے: سیاسی درجہ حرارت نیچے لانے کے لیے کردار ادا کریں، فواد چوہدری کی نواز شریف سے اپیل
سماعت کے دوران فواد چوہدری کے وکلا کی جانب سے بریت کی درخواست پر دلائل دیے گئے۔ شمس اقبال ایڈووکیٹ نے مؤقف اختیار کیا کہ فواد چوہدری کے خلاف کیس میں شواہد ناکافی ہیں اور شکایت کنندہ کی عدم دلچسپی بھی عدالت کے سامنے ہے۔
وکیل نے کہا کہ عدالت قانون کی محافظ ہے اور اس کی ذمہ داری ہے کہ دستیاب شواہد کی روشنی میں فیصلہ کرے۔
وکلا نے عدالت سے استدعا کی کہ ریکارڈ کا جائزہ لیتے ہوئے فواد چوہدری کو کیس سے بری کیا جائے۔
عدالت نے دلائل سننے اور ریکارڈ کا جائزہ لینے کے بعد فواد چوہدری کی بریت کی درخواست نمٹا دی اور انہیں کیس سے بری کر دیا۔
فواد چوہدری کے خلاف مقدمہ اسلام آباد کے تھانہ آبپارہ میں درج کیا گیا تھا جس میں دھوکہ دہی کے الزامات شامل تھے۔ کیس کے مدعی ملک محمد ظہیر تھے۔
مزید پڑھیں: سپریم کورٹ: فواد چوہدری کی مقدمات یکجا کرنے کی استدعا، پنجاب حکومت کا بینچ پر اعتراض
گزشتہ روز ڈسٹرکٹ اینڈ سیشن کورٹ نے فواد چوہدری پر باضابطہ طور پر فرد جرم عائد کی تھی تاہم فواد چوہدری نے اپنے خلاف عائد الزامات کی تردید کی تھی۔
