ناسا نے اعلان کیا ہے کہ کریو-12 مشن کے ذریعے انٹرنیشنل اسپیس اسٹیشن (ISS) جانے والے اور آرٹیمس II چاند کے قریب فلائی بائی کرنے والے خلا باز جدید اسمارٹ فونز کے ساتھ خلا میں جائیں گے۔
یہ بھی پڑھیں:انسان دوبارہ چاند کی جانب سفر کے لیے تیار، ناسا نے راکٹ میں ایندھن بھرنے کی تیاری شروع کر دی
اس اقدام کا مقصد خلا بازوں کو اپنے خاص لمحات کی تصاویر اور ویڈیوز ریکارڈ کرنے کی سہولت فراہم کرنا اور دنیا کے ساتھ شیئر کرنا ہے۔
یہ پہلا موقع ہے جب خلا باز اپنی ذاتی اسمارٹ فونز کو مشنز میں لے جا سکیں گے۔ ناسا نے سخت حفاظتی اقدامات کیے ہیں تاکہ فونز کسی بھی اہم سسٹم کے کام میں مداخلت نہ کریں۔
پہلے کے سوئز اور اسپیس شٹل مشنز میں فون استعمال کرنا ممکن نہیں تھا، مگر اب جدید ٹیکنالوجی اور ناسا کی حفاظتی جانچ کے بعد یہ ممکن ہو گیا ہے۔ اس سے نہ صرف خلا بازوں کے لیے تصاویر اور ویڈیوز لینے میں سہولت ہوگی بلکہ ان کے حوصلے اور کام کے جذبے میں بھی اضافہ ہوگا۔
یہ بھی پڑھیں:ناسا کے ہبل ٹیلی اسکوپ سے 18 سال قبل کھینچی گئی تصویر دوبارہ وائرل
یہ اقدام ناسا کے خلائی مشنز میں جدید ٹیکنالوجی کے بڑھتے ہوئے استعمال اور مؤثر وسائل کے استعمال کی جانب ایک اہم قدم ہے۔
