روسی صدر ولادیمیر پیوٹن نے اسلام آباد میں ہونے والے دہشت گرد حملے پر صدر مملکت آصف علی زرداری اور وزیر اعظم شہباز شریف کو تعزیتی خطوط ارسال کیے ہیں۔
اسلام آباد میں قائم روسی سفارتخانے کے ایکس پر جاری بیان کے مطابق روسی صدر نے اپنے پیغام میں اسلام آباد میں دہشت گرد حملے کے المناک نتائج پر گہرے دکھ اور افسوس کا اظہار کیا۔
یہ بھی پڑھیے: اسلام آباد خود کش دھماکا، سعودی عرب سمیت عالمی برادری کی شدید مذمت
انہوں نے کہا کہ مذہبی تقریب کے دوران قیمتی جانوں کا ضیاع دہشت گردی کی سفاک اور غیر انسانی فطرت کا ایک اور ثبوت ہے۔
✉️ Russian President Vladimir Putin sent letters of condolence to President Asif Ali Zardari and Prime Minister Shehbaz Sharif.
✍️ Dear Mr. President, Dear Mr. Prime Minister,
Please accept my deepest condolences on the tragic consequences of the terrorist attack in Islamabad.… pic.twitter.com/qJsG2U7gm3
— Embassy of Russia in Pakistan (@RusEmbPakistan) February 6, 2026
ولادیمیر پیوٹن نے دہشت گردی کے خلاف جنگ میں پاکستان کے ساتھ تعاون کو مزید مضبوط بنانے کے عزم کا اعادہ کرتے ہوئے کہا کہ روس اس سلسلے میں اپنے پاکستانی شراکت داروں کے ساتھ مل کر کام جاری رکھنے کے لیے تیار ہے۔
روسی صدر نے جاں بحق افراد کے اہل خانہ اور لواحقین سے دلی ہمدردی اور یکجہتی کا اظہار کیا، جبکہ زخمیوں کی جلد صحت یابی کے لیے نیک خواہشات بھی پیش کیں۔
