لاہور میں بسنت کا دوسرا روز جوش و خروش سے منایا جا رہا ہے۔ بسنت کے موقع پر پاکستانیوں کے ساتھ ساتھ غیرملکی شہری بھی پتنگ بازی میں بھرپور دلچسپی لیتے دکھائی دیے۔
یہ بھی پڑھیں:اسلام آباد سانحہ: وزیراعلیٰ پنجاب مریم نواز نے بسنت سے متعلق اپنی تقریبات منسوخ کردیں
غیرملکی شہریوں کی بڑی تعداد اندرونِ شہر پتنگ بازی کے لیے پہنچی، جہاں انہوں نے مقامی افراد کے ساتھ بسنت کے رنگوں سے لطف اٹھایا۔ پنجاب کی وزیرِ اطلاعات عظمیٰ بخاری نے غیرملکی مہمانوں کو خوش آمدید کہا اور بسنت کی تقریبات میں ان کی شرکت کو خوش آئند قرار دیا۔
Stand with your Muslim brothers and sisters in this horrible situation and pray for their families who lost their loved ones. 😥💔
#IslamabadBlast #Boycott_Basant pic.twitter.com/DS35VWbgLf— 𝓝𝓮𝓮𝓷𝓪♥️🇨🇦🇵🇸 (@Neena_Alli) February 6, 2026
تقریبات کے دوران غیرملکی مہمانوں نے بھی پتنگیں اڑائیں جبکہ سیکرٹری اطلاعات پنجاب طاہر رضا ہمدانی بھی گڈی اڑانے کے شوقین نکلے۔
یہ بھی پڑھیں:چھتوں پر پتنگیں، میدانوں کے ہیروز بھی بسنت کے دیوانے
غیرملکی مہمانوں کا کہنا تھا کہ لاہور میں بسنت منانے کا ان کا خواب پورا ہو گیا ہے۔ ایک مہمان نے کہا کہ انہوں نے سنا تھا لاہور زندہ دلوں کا شہر ہے، آج اپنی آنکھوں سے دیکھ لیا۔ دیگر مہمانوں نے لاہور کے ثقافتی رنگوں کو خوبصورت اور دلکش قرار دیا۔
غیرملکی مہمانوں کے مطابق پنجاب حکومت کا بسنت جیسے ثقافتی تہوار کو دوبارہ منانے کا فیصلہ خوش آئند ہے، جس سے پاکستان کا مثبت تشخص اجاگر ہو رہا ہے۔
ادھر بسنت فیسٹیول کی کوریج کے لیے 20 مختلف بین الاقوامی میڈیا ہاؤسز کے نمائندے بھی لاہور پہنچ چکے ہیں۔
