اسلام آباد میں پیش آنے والے المناک واقعے کے بعد وزیراعلیٰ پنجاب مریم نواز نے بسنت سے متعلق اپنی تمام سرگرمیاں منسوخ کرنے کا اعلان کر دیا ہے۔
یہ بھی پڑھیں: اسلام آباد: ترلائی کی امام بارگاہ میں دھماکا، 30 سے زیادہ افراد جاں بحق، 80 سے زائد زخمی
سوشل میڈیا پلیٹ فارم ایکس پر جاری پیغام میں وزیراعلیٰ پنجاب نے بتایا کہ کل کے لیے شیڈول ہوئی بسنت کی تمام تقریبات منسوخ کر دی گئی ہیں جن میں لیبرٹی اسکوائر میں ہونے والا میگا بسنت شو بھی شامل ہے۔
قومی اتحاد پر زور
مریم نواز نے اپنے پیغام میں کہا کہ اس وقت پوری قوم کا متحد ہونا ناگزیر ہے۔
مزید پڑھیے: بسنت نے معیشت میں نئی جان ڈال دی
انہوں نے زور دیا کہ ملک کو درپیش خوارج کی دہشتگردی اور ان کے سہولت کاروں کے خلاف سخت مؤقف اختیار کیا جائے اور ان کے ساتھ کسی قسم کی نرمی نہ برتی جائے۔
In the wake of the Islamabad tragedy, I am cancelling all my Basant-related activities that were scheduled for tomorrow. The mega Basant show at the Liberty Square also stands cancelled.
P.S: It is imperative that the nation remains united against the Khwarji menace and their…
— Maryam Nawaz Sharif (@MaryamNSharif) February 6, 2026
افواج پاکستان سے اظہار یکجہتی
وزیراعلیٰ پنجاب نے کہا کہ قوم کو ملکی دفاع کے لیے افواج پاکستان کے شانہ بشانہ کھڑا ہونا چاہیے۔
انہوں نے اپنے پیغام کے اختتام پر ’پاکستان زندہ باد‘ کا نعرہ بھی بلند کیا۔
مزید پڑھیں: اسلام آباد خودکش حملہ، محسن نقوی کی مکمل تحقیقات اور ملوث عناصر کی فوری گرفتاری کی ہدایت
واضح رہے کہ اسلام آباد کے علاقے ترلائی میں واقع مسجد خدیجۃ الکبریٰ میں نماز جمعہ کے دوران ہونے والے دھماکے کے نتیجے میں کم از کم 30 افراد شہید ہوئے جبکہ 80 سے زائد افراد کے زخمی ہونے کی اطلاع ہے۔
قوم کو دہشتگردی کے خلاف متحد ہونے کا پیغام
مریم نواز نے ایک اور پیغام میں کہا ہے کہ پاکستانی قوم کو مایوسی یا نا امیدی کو خود پر حاوی نہیں ہونے دینا چاہیے بلکہ وقت آ گیا ہے کہ آج ہی ایک واضح اور دوٹوک فیصلہ کرتے ہوئے دہشتگردی کے مکمل خاتمے کے لیے متحد ہوا جائے۔
وزیراعلیٰ پنجاب نے کہا کہ قوم کو ہر قسم کی تقسیم سے بالاتر ہو کر دہشتگردوں اور ان کے سہولت کاروں کے خلاف یک آواز ہونا ہوگا اور ملک سے امن و خوشحالی واپس حاصل کرنی ہوگی جو تشدد کے ذریعے چھیننے کی کوشش کی جا رہی ہے۔
A very important message:
The Pakistani nation must not allow its hopes to be shattered. Instead, we must TODAY take an unequivocal decision to stand united and undivided, to eradicate terrorism, and to snatch back our peace and happiness from the clutches of the terrorists and…
— Maryam Nawaz Sharif (@MaryamNSharif) February 6, 2026
انہوں نے کہا کہ پاکستان ہم سب کا ملک ہے اور اس کے تحفظ کی ذمہ داری صرف ریاستی اداروں ہی نہیں بلکہ پوری قوم پر عائد ہوتی ہے۔
یہ بھی پڑھیے: اسلام آباد کی امام بارگاہ میں خودکش حملہ، امریکا کی مذمت
مریم نواز نے قوم سے اپیل کی گئی ہے کہ وہ اس چیلنج کا مقابلہ کرے متحد رہے اور دشمن عناصر کے سامنے سیسہ پلائی دیوار بن جائے۔
