سانحہ 9 مئی کے بعد جہاں عمران خان کی اپنی جماعت کے لوگوں نے ان سے راہیں جدا کر لیں وہیں سوشل میڈیا پر مختلف پیغامات کے ذریعے صارفین اپنے رد عمل کا اظہار کر رہے ہیں۔
اس ضمن میں سوشل میڈیا پر ایک ویڈیو کلپ خاصا وائرل ہے، جسے مسلم لیگ ن کی نامور شخصیات بھی ری ٹویٹ اور شیئر کر رہی ہیں۔
ویڈیو کلپ میں دکھایا گیا ہے کہ کس طرح ایک خاندان کے لوگ عمران خان کی حمایت اور مخالفت میں لڑتے نظر آتے ہیں اور سانحہ 9 مئی کے بعد تحریک انصاف کی حمایت کرنے پر بڑا بھائی گھر چھوڑنے کی دھمکی دیتا ہے۔ وہ کہتا ہے کہ عمران خان کے کہنے پر جناح ہاؤس کو آگ لگائی، سرکاری املاک کو نقصان پہنچایا گیا اور شہیدوں کی یادگاروں کو توڑا گیا ہے۔ جس پر عمران خان کی حمایت کرنے والے فرد کو اپنی غلطی کا احساس ہوتا ہے اور وہ تسلیم کرتا ہے کہ میں نے عمران خان نے باتوں میں آ کر غلطی ہے۔
اس پر گھر کی مالکن کہتی ہیں کہ عمران خان جیسے سیاستدان تو روز پیدا ہوتے ہیں جبکہ نواز شریف جیسا سچا لیڈر کبھی کبھار پیدا ہوتا ہے اور یہ سنتے ہی جوش میں آ کرعمران خان کا کارکن اپنے لیڈر کی تصویراٹھا کر پھینک دیتا ہے اور اس کی جگہ نواز شریف کی تصویر رکھ دی جاتی ہے۔
اس ویڈیو کلپ کو سوشل میڈیا پر متحرک رہنے والی مسلم لیگ ن کی رہنما حنا پرویز بٹ کی جانب سے شیئر کیا گیا اور کہا گیا کہ عمران خان اب نفرت کی علامت بن چکا ہے۔
عمران خان اب نفرت کی علامت بن چکا ہے۔۔۔ pic.twitter.com/lpS4WKmV7F
— Hina Parvez Butt (@hinaparvezbutt) May 29, 2023
حنا پرویز بٹ کی ٹوئٹ کے بعد سوشل میڈیا پر صارفین کا ردعمل دیکھنے میں آیا۔ صحافی اجمل جامی نے لکھا کہ اس قدر ’نادر‘ خیال، لا جواب ڈائیلاگز، لا زوال پروڈکشن اور ’آسکر ایکٹنگ‘ دیکھ کر یقیناً ’یش راج چوپڑا‘ کی روح تڑپ اٹھی ہو گی۔ داد قبول کیجیے پلیز۔
اس قدر "نادر" خیال، لاجواب ڈائیلاگز، لازوال پروڈکشن اور "آسکر ایکٹنگ" دیکھ کر یقیناً "یش راج چوپڑا" کی روح تڑپ اٹھی ہوگی۔۔۔!
داد قبول کیجئے گا پلیز۔۔!! https://t.co/xlspCT4eh6— Ajmal Jami (@ajmaljami) May 29, 2023
مہرین نامی صارف نے ویڈیو پر تنقید کرتے ہوئے لکھا کہ اگلی بار بہتر اداکاروں اور پروڈکشن ہاؤس کی خدمات حاصل کریں۔
Hire better actors and production house next time. Good luck! https://t.co/eggLvc3oez
— Mehreen 🦋 (@a_mehrin7) May 30, 2023
صحافی اسامہ غازی نے لکھا کہ اس کمال مہم کے بعد اب تو تحریک انصاف گئی، آج تک ایسا شاہکار نہیں دیکھا۔ ن لیگ کو کچھ کرنے کی ضرورت نہیں ہے صرف اس ویڈیو کو ہر جگہ اور ہر چینل پر پھیلائیں۔
زبردست ، اب تو تحریک انصاف گئی، کمال کمپین ۔۔ آج تک ایسا شاہکار نہیں دیکھا، ن لیگ کو کچھ کرنے کی ضرورت نہیں صرف اس کی ہر جگہ چلائیں ہر چینل پر پھیلائیں ۔ شاباش https://t.co/esYC857P9H
— Muhammad Usama Ghazi (@ghaziusama) May 29, 2023
ایک صارف نے لکھا کہ اس ویڈیو کو تو آسکر ایوارڈ ملنا چاہیے، میں اس سے بہت متاثر ہوئی ہوں۔
This ad deserves an oscar award. I am beyond impressed and aspired. https://t.co/8B3V0tUwJ6
— Amina Shah (@aminagillani27) May 29, 2023
حماد احمد نامی صارف نے لکھا کہ تو پھر الیکشن ہو جائے؟ تاکہ عمران خان کو یہ قوم ووٹ کی طاقت سے پوری طرح مسترد اور ان کی سیاست کو ہمیشہ ہمیشہ کے لیے ختم کر دے۔
https://twitter.com/i_hmd3/status/1663481764319227904?s=20
اس کے علاوہ سماجی رابطوں کی سائٹ ٹوئٹر پر ایک اور ویڈیو بھی تیزی سے وائرل ہو رہی ہے جو حکومتِ پاکستان کی جانب سے بنائی گئی ہے اور اس میں 9 مئی کے واقعات کی مذمت کرتے ہوئے عمران خان کو تنقید کا نشانہ بنایا گیا ہے۔
