پورا پاکستان روشن لیکن میرا لیپ ٹاپ کیوں نہیں؟ طالبہ کی مریم نواز سے دلچسپ شکایت

 سوشل میڈیا پر ایک ویڈیو وائرل ہو رہی ہے جس میں ایک طالبہ نے وزیر اعلیٰ پنجاب مریم نواز سے دلچسپ انداز میں شکایت کی ہے کہ اسے بٹن روشن ہونے والا لیپ ٹاپ کیوں نہیں دیا گیا۔

طالبہ نے ویڈیو میں کہا پورا پاکستان جگمگا رہا ہے۔ آپ نے پورا لاہور اور مری کے راستے تک روشن کیے ہیں لیکن میرے لیپ ٹاپ کی باری پر بتیوں میں کیا کمی آ گئی تھی؟ میرا بچپن کا خواب تھا کہ مجھے بتیوں والا لیپ ٹاپ چاہیے۔

وزیراعلیٰ پنجاب @MaryamNSharif صاحبہ نوٹ کریں سارے لاہور اور مری تک کی آپ نے بتیاں جلا دیں ہیں لیکن جو سٹوڈنٹ کو لیپ ٹاپ دئیے جا رہے ہیں اُسکے کی بورڈ کی بتیاں نہیں جلتیں کمرے میں ایک ایکسٹرا لائٹ جلانی پڑتی pic.twitter.com/tB8Ev9Q307

— Muzamil (@muzamil_45) February 16, 2026

ان کا مزید کہنا تھا کہ انہیں کی بورڈ لائٹس دیکھنے کے لیے ایکسٹرنل لائٹ جلانی پڑے گی تاکہ مجھے کی بورڈ کی لائٹس نظر آئیں۔ کیونکہ رات 10 بجتے ہی میری بہنیں کہتی ہیں کہ ’لائٹ بند کر دو‘ تو میں تب کیا کروں؟۔

ویڈیو وائرل ہونے کے بعد سوشل میڈیا صارفین نے طالبہ کے انوکھے انداز اور طنزیہ بیان پر دلچسپ ردعمل دیا ہے۔ کسی نے کہا کہ اس کے بعد لیپ ٹاپ کو پنک کرنے اور اس پر تتلیوں کی بھی فرمائش آئے گی تو کوئی یہ کہتا نظر آیا کہ یہ قوم کسی حال میں خوش نہیں ہے۔