ٹی20 ورلڈ کپ کے 33ویں میچ میں نیپال نے سنسنی خیز مقابلے کے بعد اسکاٹ لینڈ کو 7 وکٹوں سے شکست دے دی۔
یہ بھی پڑھیں: آسٹریلیا اور آئر لینڈ ٹی20 ورلڈ کپ سے باہر، زمبابوے کی سپر ایٹ مرحلے میں رسائی
نیپال نے اسکاٹ لینڈ کے دیے گئے 171 رنز کے ہدف کو صرف 19.2 اوورز میں تین وکٹوں کے نقصان پر حاصل کرلیا۔ دپیندر سنگھ نے 23 گیندوں پر 50 رنز کی شاندار اننگز کھیل کر ٹیم کی فتح میں کلیدی کردار ادا کیا، ان کی اننگز میں 4 چوکے اور 3 چھکے شامل تھے۔
View this post on Instagram
کوشال بھرٹیل نے 43 رنز بنا کر نمایاں کارکردگی دکھائی، جبکہ گلشن جھا 24 رنز کے ساتھ ناٹ آؤٹ رہے اور آصف شیخ 33 رنز بنا کر آؤٹ ہوئے۔
اسکاٹ لینڈ کی جانب سے مائیکل لیسک نے 3 وکٹیں حاصل کیں۔
یہ بھی پڑھیں: ٹی20 ورلڈ کپ: انگلینڈ نے سنسنی خیز مقابلے کے بعد نیپال کو شکست دے دی
اس سے قبل اسکاٹ لینڈ نے پہلے بیٹنگ کرتے ہوئے 7 وکٹوں پر 170 رنز بنائے اور نیپال کو 171 رنز کا ہدف دیا۔ مائیکل جونز 45 گیندوں پر 71 رنز کے ساتھ نمایاں رہے، جب کہ جارج منزی نے 27 اور برینڈن مک ملن نے 25 رنز بنائے۔
View this post on Instagram
نیپال کی جانب سے سومپل کامی نے 25 رنز دے کر 3 وکٹیں حاصل کیں، نندن یادیو نے 2 وکٹیں حاصل کیں جبکہ روہت پوڈیل اور کوشال بھرٹیل نے ایک، ایک وکٹ حاصل کی۔
یاد رہے کہ ٹی20 ورلڈ کپ 2026 میں سپر 8 مرحلے کے لیے اب تک 7 ٹیمیں کوالیفائی کرچکی ہیں۔
کوالیفائی کرنے والی ٹیموں میں انڈیا، سری لنکا، زمبابوے، جنوبی افریقہ، نیوزی لینڈ، انگلینڈ اور ویسٹ انڈیز شامل ہیں۔
