ٹی20 ورلڈ کپ 2026 میں بارش نے آسٹریلیا اور آئرلینڈ کے ارمانوں پر پانی پھیر دیا، جبکہ زمبابوے کی ٹیم سپر ایٹ مرحلے میں پہنچ گئی۔
یہ بھی پڑھیں: آسٹریلیا کو 8 وکٹوں سے ہراکر سری لنکا سپر 8 میں داخل، پاتھم نسانکا کی ناقابل شکست سینچری
تفصیلات کے مطابق، بارش کے باعث پالیکیلے میں شیڈول زمبابوے اور آئرلینڈ کے درمیان میچ کا ٹاس بھی نہیں ہو سکا۔
دونوں ٹیموں کو ایک ایک پوائنٹ مل گیا، جس کے بعد زمبابوے 5 پوائنٹس کے ساتھ سپر ایٹ مرحلے میں پہنچ گیا۔
گروپ بی سے سری لنکا کی ٹیم 6 پوائنٹس کے ساتھ پہلے ہی سپر ایٹ مرحلے میں رسائی حاصل کر چکی تھی۔
یہ بھی پڑھیں: آسٹریلیا اور آئر لینڈ ٹی20 ورلڈ کپ سے باہر، زمبابوے کی سپر ایٹ مرحلے میں رسائی
گروپ بی میں آسٹریلیا کا عمان اور سری لنکا کا زمبابوے سے میچ ابھی باقی ہے، تاہم آسٹریلوی ٹیم کی جیت اب بے معنی ہو چکی ہے۔
یاد رہے کہ ٹی20 ورلڈ کپ 2026 میں سپر 8 مرحلے کے لیے اب تک 7 ٹیمیں کوالیفائی کرچکی ہیں۔ کوالیفائی کرنے والی ٹیموں میں
انڈیا، سری لنکا، زمبابوے، جنوبی افریقہ، نیوزی لینڈ، انگلینڈ اور ویسٹ انڈیز شامل ہیں۔
