ٹی20 ورلڈ کپ کے اہم میچ میں پاکستان نے نمیبیا کو 102 رنز سے شکست دے کر سپر8 مرحلے میں رسائی حاصل کرلی ہے، پاکستان نے پہلے بیٹنگ کرتے ہوئے نمیبیا کو جیت کے لیے 200 رنز کا ہدف دیا تھا۔
🎯 Target locked! 🇵🇰 Pakistan set 200 for Namibia at SSC, Colombo 🏟️#PAKvNAM | #BackTheBoysInGreen | #T20WorldCup | #WeHaveWeWill pic.twitter.com/IEeu4fhb6S
— Pakistan Cricket (@TheRealPCB) February 18, 2026
پاکستان کی جانب سے صاحبزادہ فرحان نے شاندار بیٹنگ کا مظاہرہ کرتے ہوئے ناقابلِ شکست سنچری اسکور کی اور 58 گیندوں پر 100 رنز بنائے، شاداب خان 36 رنز کے ساتھ ناٹ آؤٹ رہے، جبکہ سلمان آغا نے 23 گیندوں پر 38 رنز کی جارحانہ اننگز کھیلی۔
پاکستان نے ٹاس جیت کر پہلے بیٹنگ کا فیصلہ کیا تھا اور آخری 5 اوورز میں بغیر کسی نقصان کے 68 رنز بنائے۔
5️⃣0️⃣ up! Sahibzada Farhan completes his 10th T20I half-century 🇵🇰🏏#PAKvNAM | #BackTheBoysInGreen | #T20WorldCup | #WeHaveWeWill pic.twitter.com/4r5HI0IW9J
— Pakistan Cricket (@TheRealPCB) February 18, 2026
نمیبیا کی جانب سے جیک براسال نے 2 وکٹیں حاصل کیں، جبکہ گیرہارڈ ایرسمس نے 1 وکٹ حاصل کرنے میں کامیاب ہوئے۔
جوابی اننگز میں نمیبیا کی ٹیم 17.3 اوورز میں 97 رنز پر آؤٹ ہوگئی اور پاکستان نے 102 رنز سے کامیابی حاصل کی۔
جوابی اننگز میں نمیبیا کی ٹیم 17.3 اوورز میں 97 رنز پر آؤٹ ہوگئی اور پاکستان نے 102 رنز سے کامیابی حاصل کی۔
🌀 Spinners did the job! 🇵🇰 Pakistan win by 102 runs vs Namibia & qualify for the Super Eight ✨#PAKvNAM | #BackTheBoysInGreen | #T20WorldCup | #WeHaveWeWill pic.twitter.com/8H72EArhyG
— Pakistan Cricket (@TheRealPCB) February 18, 2026
نمیبیا کی جانب سے لورین سٹینکیمپ نے 22 گیندوں پر 23 رنز بنائے جبکہ جان فریلنک نے 11 گیندوں پر 9 اور جان نکول لوفٹی ایٹن نے 5 رنز اسکور کیے۔ کپتان گیرہارڈ ایرسمس 6 گیندوں پر 7 رنز کے ساتھ آؤٹ ہوئے۔
شاداب خان نے شاندار بولنگ کا مظاہرہ کرتے ہوئے 4 وکٹیں حاصل کیں۔ عثمان طارق نے 4 وکٹیں، سلمان مرزا اور محمد نواز نے ایک ایک وکٹ حاصل کی۔
اس میچ میں کامیابی کے بعد پاکستان کی سپر8 مرحلے میں رسائی حتمی ہوگئی ہے۔
یاد رہے کہ ٹی20 ورلڈ کپ 2026 میں سپر 8 مرحلے کے لیے اب تک 7 ٹیمیں کوالیفائی کرچکی ہیں۔ کوالیفائی کرنے والی ٹیموں میں پاکستان، انڈیا، سری لنکا، زمبابوے، جنوبی افریقہ، نیوزی لینڈ، انگلینڈ اور ویسٹ انڈیز شامل ہیں۔
