کراچی: نارتھ ناظم آباد میں مبینہ سلنڈر دھماکا، متعدد افراد زخمی، ایک جاں بحق

اتوار 22 فروری 2026
icon-facebook icon-twitter icon-whatsapp

کراچی کے علاقے نارتھ ناظم آباد میں اتوار کی علی الصبح ایک رہائشی عمارت میں دھماکے کے بعد لگنے والی آگ سے 15 سالہ لڑکا جاں بحق جبکہ 4 افراد زخمی ہوگئے۔

پولیس اور امدادی حکام کے مطابق دھماکا سحری کے وقت بلاک ای میں حیدری مارکیٹ کے قریب واقع بسم اللہ ریزیڈنسی کی بالائی منزل پر ہوا۔

یہ بھی پڑھیں: کراچی: پٹاخوں کے گودام میں آتشزدگی، دھماکوں کی آوازیں، 2 افراد جاں بحق، 33 زخمی

ریسکیو 1122 کے ترجمان حسان الحق حسیب خان نے بتایا کہ دھماکے کی آواز کئی میل دور تک سنی گئی، جس کے نتیجے میں 2 فلیٹس میں آگ بھڑک اٹھی۔

آگ لگنے سے ایک 15 سالہ لڑکا جان کی بازی ہار گیا جبکہ 4 افراد جھلس کر زخمی ہوگئے۔

ترجمان کے مطابق آگ پر قابو پا لیا گیا ہے اور کولنگ کا عمل بھی مکمل کرلیا گیا ہے۔

ابتدائی طور پر چار فائر ٹینڈرز آگ بجھانے میں مصروف رہے جبکہ اسنارکل بھی طلب کر لی گئی تھی۔

دھماکے کی نوعیت کا تعین شواہد اکٹھے کرنے کے بعد کیا جائے گا تاہم بظاہر واقعہ گیس دھماکے کا نتیجہ معلوم ہوتا ہے۔

مزید پڑھیں: کراچی: نظارت خانے میں آتشزدگی، 30 گاڑیاں جل گئیں

دوسری جانب ایدھی فاؤنڈیشن کے ترجمان نے بتایا کہ زخمیوں میں 70 سالہ بزرگ اور 4 سالہ بچی بھی شامل ہیں۔

تمام زخمیوں کو تشویشناک حالت میں ڈاکٹر روتھ فاؤ اسپتال کے برنس سینٹر منتقل کردیا گیا ہے۔

پولیس سرجن ڈاکٹر سمیعہ سید کے مطابق ایک زخمی کا جسم 95 فیصد جبکہ دوسرے کا 81 فیصد تک جھلس گیا ہے، جب کہ 4 سالہ بچی 31 فیصد تک جھلسنے سے متاثر ہوئی۔

سینٹرل ڈسٹرکٹ پولیس کے بیان میں کہا گیا ہے کہ اطلاع ملتے ہی پولیس موقع پر پہنچ گئی اور ریسکیو و فائر بریگیڈ کو طلب کیا گیا۔

دھماکے کی وجوہات جاننے کے لیے شواہد جمع کیے جا رہے ہیں۔

مزید پڑھیں: شاپنگ مال آتشزدگی کیس: سندھ ہائیکورٹ نے کراچی کے تمام مالز کےمعائنے کا حکم دیدیا

ادھر سندھ کے گورنر کامران خان ٹیسوری نے حکام کو ہدایت کی ہے کہ انسانی جانوں کو بچانے کو اولین ترجیح دی جائے اور متاثرہ عمارت کے اطراف سیکیورٹی کو یقینی بنایا جائے۔

واضح رہے کہ چند روز قبل بھی کراچی کے علاقے سولجر بازار کی گل رعنا کالونی میں گیس دھماکے سے عمارت کا ایک حصہ منہدم ہونے کے باعث کم از کم 15 افراد جاں بحق اور 18 زخمی ہوگئے تھے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

کوہاٹ: لیڈی ڈاکٹر کے قتل کا معمہ حل، 2 ملزمان گرفتار

’ہم محنت کرتے ہیں تاکہ لوگ آنٹی نہ کہیں‘: نادیہ خان

پنجاب: غیر قانونی مقیم غیر ملکیوں کے انخلا کا عمل تیز، 32 ہزار 588 افغان ڈی پورٹ

2025: 7,667 افراد ہجرت کے خطرناک راستوں پر چلتے ہوئے موت کے گھاٹ اتر گئے، اقوام متحدہ

مسلح افواج ہر قسم کے خطرات کا مقابلہ کرنے کے لیے مکمل طور پر تیار ہیں، فیلڈ مارشل اور سروسز چیفس

ویڈیو

لاہور کے رمضان بازار، کیا اشیائے خورونوش واقعی ہول سیل ریٹ پر فروخت ہو رہی ہیں؟

آپریشن غضب للحق: افغان طالبان کے 133 کارندے ہلاک، فضائی حملوں اور زمینی کارروائیوں میں بڑے اہداف تباہ

بہن بھائیوں میں حسد کیوں پیدا ہوتا ہے، حضرت یوسفؑ کی کہانی ہمیں کیا سبق سکھاتی ہے؟

کالم / تجزیہ

مشرق وسطیٰ اور بائبل کا ٹچ

یہ اگر مگر کا سلسلہ کب ختم ہوگا؟

روس بھی باقی دنیا کی طرح افغانستان کی صورتحال سے پریشان