معروف نفسیات دان اور ٹی وی شخصیت ڈاکٹر نبیہہ علی خان اور حارث کھوکھر کی حالیہ شادی میں اختلافات سامنے آ گئے ہیں۔ چند مہینے پہلے دھوم دھام سے ہوئی اس شادی کے بعد اب جوڑا خبروں میں منفی انداز میں آیا ہے۔
یہ بھی پڑھیں:ڈاکٹر نبیہہ کے شوہر دوسری شادی کے لیے تیار؟ حارث کھوکھر نے پرانے بیانات پر سوال اٹھادیا
ڈاکٹر نبیہ علی خان نے فضا علی کے شو میں کہا کہ انہیں شوہر کے خاندان کی جانب سے ذہنی اذیت دی جا رہی ہے اور حارث نے انہیں گھر سے نکال دیا۔ اس پر حارث کھوکھر نے وضاحت دیتے ہوئے کہا کہ ڈاکٹر نبیہہ علی خان جھوٹ بول رہی ہیں، اور وہ ہمیشہ ان کا احترام کرتے ہیں۔
انہوں نے بتایا کہ ان کے گھر میں ہر وقت نبیہہ کا خیال رکھا گیا، انہیں کھانے بستر پر بھی دیے گئے، اور وہ خود گھر چھوڑ کر گئیں۔ حارث نے یہ بھی کہا کہ نبیہہ ان پر شک کر رہی ہیں اور انہیں اپنے نئے کاروبار میں ساتھ چاہتی ہیں، جبکہ انہیں بعض اوقات خیالات میں فرق محسوس ہوتا ہے۔
سوشل میڈیا پر اس معاملے پر مختلف ردعمل سامنے آیا۔ کچھ صارفین نے کہا کہ شادی کے بعد مسائل کو نجی طور پر حل کرنا چاہیے، جبکہ دیگر نے ڈاکٹر نبیہہ پر طنز کیا۔
