پنجاب بھر میں 16 سے 18 سال کے بچوں کے لیے ڈرائیونگ پرمٹ یا لائسنس کے اجرا کا عمل شروع کر دیا گیا ہے۔ پرمٹ یا لائسنس کی فیس 500 روپے مقرر کی گئی ہے اور خواہشمند امیدواران کے لیے روڈ ٹیسٹ اور سائن ٹیسٹ لازمی ہوگا۔
مزید پڑھیں: پنجاب میں 16 سالہ بچوں کو موٹرسائیکل چلانے کی اجازت، ترمیمی بل منظور
پرمٹ حاصل کرنے کے لیے والد یا گارڈین کی اجازت ضروری ہے، اور درخواست کے ساتھ بی فارم اور والد/گارڈین کی اجازت کا اسٹامپ شدہ پیپر بھی جمع کروانا ہوگا۔
نوجوان ڈرائیورز کو 125 سی سی سے زیادہ کی بائیک چلانے کی اجازت نہیں ہوگی، اور الیکٹرک بائیکس کے لیے بھی یہی محدودیت لاگو ہوگی۔
مزید پڑھیں:ٹریفک آرڈیننس2025 کے خلاف ٹرانسپورٹرز کی پہیہ جام ہڑتال کا کیا حال ہے؟
پرمٹ ہولڈر کا لائسنس 18 سال کی عمر پوری ہونے پر منسوخ کر دیا جائے گا اور اس کے بعد نیا لائسنس حاصل کرنا لازمی ہوگا۔
