حکومت پاکستان نے خواتین کو یہ اجازت دے دی ہے کہ وہ اپنے پاسپورٹ میں والد کا نام شامل کر سکیں، جسے لاہور ہائیکورٹ کے احکامات کی روشنی میں متعارف کرایا گیا ہے۔
یہ بھی پڑھیں:دنیا کے طاقتور ترین پاسپورٹس کی فہرست سامنے آگئی، پاکستان کی درجہ بندی میں بہتری
میڈیا رپورٹس کے مطابق ڈائریکٹوریٹ جنرل آف امیگریشن اینڈ پاسپورٹس نے نئی اصلاحات کا اعلان کیا ہے، جس میں کہا گیا کہ یہ اقدام خواتین کی قانونی شناخت کو مضبوط کرنے اور ان کے معاشرتی و شہری حقوق تک رسائی کو آسان بنانے کی کوشش ہے۔
اصلاحات وزیر داخلہ محسن نقوی اور وزیر قانون اعظم نذیر تارڑ کی ہدایات پر تیار کی گئی ہیں جبکہ ڈی جی پاسپورٹس مصطفیٰ جمال قاضی نے سافٹ ویئر اپڈیٹ کی نگرانی کی۔ اس اقدام کو حکومت اور یو این ویمن کے مشترکہ پروگرام ’جینڈر ریسپانسیو سروس ڈیلیوری‘ کی مثال بھی قرار دیا گیا ہے۔
