وزیرِ اعظم محمد شہباز شریف نے فتنہ الخوارج کے خلاف آپریشن کے دوران وطن کی حفاظت کرتے ہوئے جام شہادت نوش کرنے والے لیفٹیننٹ کرنل شہزادہ گل فراز کے گھر پہنچ کر شہید کی والدہ، اہلیہ اور بچوں سمیت لواحقین سے ملاقات کی اور ان کے لیے دعائیں کیں۔
مزید پڑھیں:شہید لیفٹیننٹ کرنل گل فراز تنولی کی نماز جنازہ مانسہرہ میں ادا
وزیرِ اعظم نے شہید کی قبر پر فاتحہ خوانی کی اور ان کے بلند درجات اور اہلخانہ کے لیے صبر کی دعا بھی کی۔
انہوں نے کہا کہ لیفٹیننٹ کرنل شہزادہ گل فراز نے وطن کی حفاظت کے لیے ہمت و بہادری کی اعلیٰ مثال قائم کی اور پوری قوم اپنے شہدا اور ان کے اہل خانہ پر فخر کرتی ہے۔
وزیراعظم شہباز شریف کی فتنہ الخوارج کے خلاف آپریشن کے دوران سیکیورٹی فورسز کی قیادت کرتے ہوئے جام شہادت نوش کرنے والے لیفٹیننٹ کرنل شہزادہ گل فراز شہید کے گھر مانسہرہ آمد، والدہ، اہلیہ اور بچوں سمیت لواحقین سے ملاقات، شہید کے لیے دعا۔@AmirSaeedAbbasi @KulAalam @KhawajaMAsif pic.twitter.com/ATt7TgmskM
— Media Talk (@mediatalk922) February 26, 2026
اس موقع پر وزیرِ اعظم نے شہید کے نام سے مانسہرہ میں ایک دانش اسکول کے قیام کا بھی اعلان کیا۔
مزید پڑھیں:بنوں: فورسز کے قافلے پر فتنہ الخوارج کا حملہ، لیفٹیننٹ کرنل اور سپاہی شہید
وفاقی وزراء عطا اللہ تارڑ، انجینئیر امیر مقام، سردار محمد یوسف، مشیر وزیرِ اعظم رانا ثناء اللہ، کیپٹن (ر) محمد صفدر، مرتضی جاوید عباسی اور شاہ جی گل آفریدی بھی موجود تھے۔
