روس کے زیرِ کنٹرول زاپوریزہیا نیوکلیئر پاور پلانٹ کے علاقے میں محدود جنگ بندی کے بعد توانائی کے تباہ شدہ نظام کی مرمت کا کام شروع کر دیا گیا ہے۔
یہ بھی پڑھیں:سی آئی اے اور ایم آئی6 نے 4 سال قبل روس کے یوکرین پر حملے کا پیشگی اندازہ کیسے لگایا؟
چینی خبر رساں ادارے شنہوا کے مطابق روسی سرکاری جوہری کارپوریشن روزاٹوم نے جمعہ کو بتایا کہ زاپوریزہیا نیوکلیئر پاور پلانٹ کے اطراف میں مقامی سطح پر جنگ بندی کا اعلان کیا گیا ہے، جس کے بعد متاثرہ تنصیبات کی بحالی کا عمل شروع ہو سکا ہے۔
#Ukraine #Russia #War #News
Energetic drone bombing of the occupiers near Hulyaipole in Zaporizhzhia.Amazon ref https://t.co/Mm3ae8dqgn pic.twitter.com/EJ3ACqDtN3
— BreakingNews World (@Breking911World) February 27, 2026
روساٹوم کے ڈائریکٹر جنرل الیکسی لیخاچیف نے کہا کہ جنگ بندی جمعہ کی صبح 7 بجے (گرین وچ کے مطابق 0500 بجے) نافذ العمل ہوئی۔ اس کے بعد پلانٹ کے آؤٹ ڈور سوئچ گیئر اور فیروسپلاونا-1 پاور لائن پر مرمتی کام کا آغاز کر دیا گیا۔
انہوں نے بتایا کہ یہ تنصیبات 10 فروری کو مبینہ یوکرینی حملے میں نقصان کا شکار ہوئی تھیں۔ مرمت کا عمل کم از کم ایک ہفتہ جاری رہنے کا امکان ہے۔
پلانٹ کے آپریٹر کے مطابق یہ جنگ بندی بین الاقوامی جوہری توانائی ایجنسی کے ڈائریکٹر جنرل رافیل گروسی کی شرکت سے طے پائی۔
بیان میں مزید کہا گیا ہے کہ اس وقت پلانٹ کو بجلی ڈنیپرووسکا پاور لائن کے ذریعے فراہم کی جا رہی ہے اور تابکاری کی صورتحال معمول کے مطابق ہے۔
