امریکا اور اسرائیل کے ایران پر حملے کے بعد تہران نے مشرق وسطیٰ میں امریکی فوجی اڈوں کو نشانہ بنایا ہے، جس کے نتیجے میں ابو ظبی میں پاکستانی شہری جاں بحق ہوگیا۔
پاکستانی سفارتی حکام نے تصدیق کی ہے کہ متحدہ عرب امارات میں امریکی فوجی اڈے پر ایران کی جوابی کارروائی کے دوران ایک پاکستانی شہری جاں بحق ہوگیا۔
حکام کے مطابق یہ واقعہ ابوظبی میں پیش آیا جہاں مذکورہ شہری میزائل کے ٹکڑے لگنے سے جان سے ہاتھ دھو بیٹھا۔
پاکستانی سفارتی ذرائع کا کہنا ہے کہ واقعے کے بعد اماراتی حکام سے مسلسل رابطہ کیا جا رہا ہے تاکہ مزید تفصیلات حاصل کی جا سکیں۔
میڈیا رپورٹس کے مطابق جاں بحق ہونے والے شخص کی شناخت تاحال ظاہر نہیں کی گئی۔
