بھارت کی ریاست مہاراشٹر میں دھماکا خیز مواد بنانے والی ایک فیکٹری میں اتوار کے روز ہونے والے ہولناک دھماکے کے نتیجے میں کم از کم 17 افراد ہلاک اور 18 زخمی ہو گئے۔ حکام کے مطابق ریسکیو آپریشن تیز کر دیا گیا ہے جبکہ واقعے کی تحقیقات کا حکم بھی دے دیا گیا ہے۔
Maharashtra News: નાગપુરની SBL એનર્જી કંપનીમાં બ્લાસ્ટ, 16 લોકોના મોત, મુખ્યમંત્રીએ તપાસના આદેશ આપ્યા https://t.co/JaLriAYfSl
— IEGujarati (@IeGujarati) March 1, 2026
یہ حادثہ مہاراشٹر کے شہر ناگپور میں پیش آیا جو ریاستی دارالحکومت ممبئی سے تقریباً 800 کلومیٹر دور واقع ہے۔ ریاستی وزیر اعلیٰ دیویندر فڑنویس نے سوشل میڈیا پر بیان میں دھماکے کو نہایت افسوسناک اور المناک قرار دیتے ہوئے بتایا کہ اب تک 17 افراد جان کی بازی ہار چکے ہیں جبکہ 18 زخمیوں کو طبی امداد فراہم کی جا رہی ہے۔
یہ بھی پڑھیں:بھارتی ریاست گجرات میں کریڈٹ کارڈ فراڈ سے دلبرداشتہ ہوکر 3 افراد کی خود کشی، ملزم گرفتار
بھارتی وزیر اعظم نریندر مودی نے بھی واقعے پر گہرے دکھ اور افسوس کا اظہار کیا اور زخمیوں کی جلد صحتیابی کی دعا کی۔ حکام کے مطابق دھماکے کی وجوہات جاننے کے لیے باضابطہ انکوائری کا آغاز کر دیا گیا ہے۔
