کراچی اور ملک کے دیگر شہروں میں سہ ماہی ایڈجسٹمنٹ کے تحت بجلی کی قیمت میں اضافہ کر دیا گیا ہے۔
نیپرا نے اکتوبر تا دسمبر 2025 کی سہ ماہی ایڈجسٹمنٹ کے سلسلے میں سماعت کے بعد فیصلہ جاری کیا ہے، جس کے مطابق ہر یونٹ بجلی 35 پیسے مہنگی ہو جائے گی۔
نیپرا کے بیان کے مطابق یہ اضافے مارچ تا مئی 2026 کے تین ماہ کے دوران لاگو ہوں گے، اور اس سے صارفین پر مجموعی طور پر 8 ارب 67 کروڑ 40 لاکھ روپے کا بوجھ پڑنے کا امکان ہے۔
یہ سہ ماہی ایڈجسٹمنٹ کا فیصلہ وفاقی حکومت کو بھی بھجوا دیا گیا ہے تاکہ عمل درآمد یقینی بنایا جا سکے۔
واضح رہے کہ رواں مالی سال کی پہلی سہ ماہی ایڈجسٹمنٹ میں بھی بجلی کی قیمت بڑھائی گئی تھی۔ جولائی تا ستمبر 2025 کے دوران ہر یونٹ بجلی 33 پیسے مہنگی کی گئی تھی، اور اس اضافہ کا اطلاق دسمبر 2025 تا فروری 2026 تک کے لیے تھا۔
