حکومتِ پاکستان نے ڈیجیٹل معیشت کے فروغ کے لیے 1 ارب ڈالر کا اے آئی فنڈ متعارف کرانے کا اعلان کیا ہے۔
مزید پڑھیں: ’اپ لفٹ اے آئی‘ کی 35 لاکھ ڈالر فنڈنگ، ہزاروں پاکستانیوں کے لیے ملازمتوں کے دروازے کھلنے کا امکان
پاکستان انسٹی ٹیوٹ آف ڈویلپمنٹ اکنامکس کے وائس چانسلر ڈاکٹر ندیم جاوید نے اس اقدام کا خیرمقدم کرتے ہوئے کہا کہ فنڈ کے تحت ملک بھر کے اسکولوں میں اے آئی نصاب متعارف کرایا جائے گا اور مضبوط اے آئی ایکو سسٹم قائم کیا جائے گا۔
حکومتِ پاکستان کا 1 ارب ڈالر اے آئی فنڈ، ڈیجیٹل معیشت میں نئے مواقع کی جانب اہم قدم
حکومت پاکستان اور ایس آئی ایف سی ڈیجیٹل معیشت کے فروغ میں کلیدی کردار ادا کر رہی ہیں
حکومت کی جانب سے حال ہی میں 1 ارب ڈالر اے آئی فنڈنگ کا اعلان کیا گیا ہے @AmirSaeedAbbasi @PIDEpk pic.twitter.com/3CZp50eaWB— Media Talk (@mediatalk922) March 4, 2026
2030 تک اس اقدام کے ذریعے 1,000 طلبا کو مکمل فنڈڈ اسکالرشپس دی جائیں گی جبکہ 10 لاکھ غیر آئی ٹی افراد کو اے آئی کی تربیت فراہم کی جائے گی۔
ڈاکٹر ندیم جاوید کے مطابق اے آئی فنڈ نوجوانوں کے لیے اسٹارٹ اپس، چھوٹے اور درمیانے کاروبار اور مائیکرو انٹرپرائزز میں مواقع پیدا کرے گا، جس سے وہ ملکی معیشت میں مؤثر کردار ادا کر سکیں گے۔
