ترجمان اسلام آباد پولیس کے مطابق آئی جی اسلام آباد سید علی ناصر رضوی کی زیرِ صدارت سیف سٹی میں آپریشنل کمانڈرز کانفرنس منعقد ہوئی، جس میں تمام ڈی آئی جیز، اے آئی جیز اور ایس ایس پیز نے شرکت کی۔
مزید پڑھیں: رمضان کے دوسرے جمعہ پر اسلام آباد میں سیکیورٹی ہائی الرٹ
کانفرنس میں وفاقی دارالحکومت میں امن و امان اور سیکیورٹی اقدامات کا تفصیلی جائزہ لیا گیا۔ آئی جی اسلام آباد نے رمضان المبارک کے دوران عبادت گاہوں، اہم شاہراہوں، تجارتی مراکز اور بازاروں کی فول پروف سیکیورٹی کو یقینی بنانے کے ہدایات جاری کیں۔
خصوصی ہدایات کے مطابق سحر، افطار اور تراویح کے اوقات میں اضافی پولیس نفری اور ٹریفک اہلکار تعینات ہوں گے، شہر کے داخلی و خارجی راستوں پر سخت چیکنگ ہوگی، اور سیف سٹی کیمروں کے ذریعے مانیٹرنگ جاری رکھی جائے گی۔
مزید پڑھیں: تھانہ کھنہ کے علاقے میں پولیس پر راہزنوں کی فائرنگ، ایک ملزم زخمی گرفتار
سید علی ناصر رضوی نے کہا کہ اسلام آباد پولیس شہریوں کی جان و مال کے تحفظ کے لیے ہمہ وقت مصروف عمل ہے اور رمضان میں بھی شہریوں کی رہنمائی اور ٹریفک کی روانی برقرار رکھنے کے لیے مکمل تیاری کی گئی ہے۔
