میک بک سے لیپ ٹاپ اسکیم کے لیے درخواست: “لیپ ٹاپ موجودہے تو براہ کرم درخواست نہ دیں”

وزیراعظم شہباز شریف کی طرف سے طلبہ کے لیے لیپ ٹاپ پروگرام دوبارہ شروع کردیا گیا ہے جس کے تحت اعلیٰ کارکردگی دکھانے والے طلبہ کو لیپ ٹاپ دیے جائیں گے۔ اسی حوالے سے گزشتہ روز وزیراعظم کی معاون خصوصی برائے امور نوجوانان شزہ فاطمہ خواجہ نے اعلان کیا کہ وزیراعظم یوتھ پروگرام کے تحت اعلیٰ تعلیمی اداروں کے باصلاحیت طالب علموں میں رواں سال میرٹ پر ایک لاکھ لیپ ٹاپ تقسیم کیے جا رہے ہیں جس کے لیے طالب علموں کی آن لائن رجسٹریشن جاری ہے۔

لیپ ٹاپ اسکیم کے حوالے سے خبر سوشل میڈیا کی زینت بنی تو صارفین نے حکومت کے اس اقدام کو سراہا وہی مائکروبلاگنگ ویب سائٹ ٹویٹر پر اس حوالے سے بحث کا آغاز تب ہوا جب کنگ کانگ نامی ٹویٹر اکاؤنٹ نے اپنے لیپ ٹاپ کی اسکرین کا اسکرین شاٹ شئیر کرتے ہوئے لکھا میک بک پر پی ایم لیپ ٹاپ اسکیم کے لیے درخواست دیتے ہوئے

Applying for PM Laptop scheme on a MacBook 🥴😹 pic.twitter.com/bfyJismbVn

— King Kang (@Abuzar_ii) May 31, 2023

مذکورہ صارف کی ٹوئٹ ٹویٹر پر وائرل ہوئی تو وزیراعظم کی معاون خصوصی برائے امور نوجوانان شزہ فاطمہ خواجہ بھی خود کو اس ٹویٹ پر تبصرہ کرنے سے روک نہیں پائی اور صارف کو ٹویٹ کا جواب دیتے ہوئے لکھا اگر آپ کے پاس پہلے سے لیپ ٹاپ ہے تو براہ کرم درخواست نہ دیں۔ جو لوگ استطاعت نہیں رکھتے وہ اس سے مستفید ہوسکتے ہیں۔ یہ بہت سے خاندانوں کی زندگی بدل سکتا ہے۔ آئیے ایک ساتھ آگے بڑھیں!

If you already have a laptop, please dont apply. Let those who cannot afford one, benefit from this. It can be a life changer for many families. Let’s grow together! 🙂#PMLaptopScheme https://t.co/uFMG2dPGfU

— Shaza Fatima Khawaja (@ShazaFK) May 31, 2023

جہاں صارفین اس بات پر متفق نظر آئے کہ جن طلبا کے پاس پہلے سے لیپ ٹاپ موجود ہیں وہ درخواستیں نہ دیں وہی کچھ صارفین اس حوالے سے حکومت کو مزید سخت چیک اینڈ بیلینس کا مشورہ بھی دیتے نظر آئے ، ایک صارف نے تبصرہ کرتے ہوئے لکھا اس التجا سے کوئی فرق نہیں پڑے گا، جب تک کہ حکومت کے پاس درست ریکارڈ موجود نہ ہو۔

This pleading wouldn’t make a difference, unless the govt doesnt have an exact record

— M. Akbar Bajwa (@akbarbajwa) May 31, 2023

حکومت کی جانب سے طلبا کے لیے باقی اسکیمز کا حوالہ دیتے ہوئے ایک صارف نے لکھا ہر مفت اسکیم کے ساتھ ایسا ہی ہوتا ہے، جیسے اسکالرشپ۔ اگر آپ آسانی سے فیس ادا کر سکتے ہیں، تو کسی اور کا موقع چھیننے کی ضرورت نہیں۔

same goes for every free schemes, like scholarships. If you can easily afford fees, no need to take away someone else opportunity. https://t.co/scwl3AsG5y

— Rahul Gianchandani (@Rahul_gcd) June 1, 2023

واضح رہے کہ اس اسکیم کے تحت پبلک سیکٹر یونیورسٹی کے تمام اعلیٰ کارکردگی دکھانے والے طلبہ پرائم منسٹر یوتھ پروگرام کی ویب سائٹ(laptop.pmyp.gov.pk)پر درخواست دے سکتے ہیں۔ درخواست دینے کی آخری تاریخ 20جون ہے۔