انٹرنیشنل کرکٹ کونسل (آئی سی سی) کی تازہ ترین ٹی20 رینکنگ میں قومی ٹیم کے کھلاڑیوں کی پوزیشنز میں نمایاں رد و بدل سامنے آیا ہے، جہاں اوپنر صاحبزادہ فرحان اور لیگ اسپنر ابرار احمد پہلی پوزیشن کے قریب پہنچ گئے ہیں۔
جاری کردہ فہرست کے مطابق بلے بازوں کی درجہ بندی میں صاحبزادہ فرحان ایک درجہ بہتری کے بعد دوسری پوزیشن پر آ گئے ہیں۔
The race to be the No.1 ranked T20I batter just got even tighter following the completion of the Super Eights phase at the #T20WorldCup 😲
Details 👇https://t.co/fihXePSiYW
— ICC (@ICC) March 4, 2026
دوسری جانب صائم ایوب اور بابر اعظم کو ایک، ایک درجے تنزلی کا سامنا کرنا پڑا ہے اور وہ بالترتیب 35ویں اور 37ویں نمبر پر چلے گئے ہیں۔
بولرز کی رینکنگ میں ابرار احمد نے 2 درجے ترقی حاصل کر کے تیسری پوزیشن سنبھال لی ہے۔
محمد نواز بدستور 12ویں نمبر پر موجود ہیں، جبکہ سلمان مرزا تین درجے تنزلی کے بعد 21ویں پوزیشن پر پہنچ گئے ہیں۔
