بھارت کے رائٹ ہینڈ اوپنر سانجو سیمسن نے ٹی20 ورلڈ کپ 2026 کے فائنل میں نصف سنچری بنا کر مایہ ناز پاکستانی آل راؤنڈر شاہد آفریدی کا 17 سال پرانا ریکارڈ برابر کر دیا ہے۔
یہ نصف سنچری سیمسن کی مسلسل تیسری نصف سینچری تھی، فائنل میچ سے قبل انہوں نے سپر ایٹ مرحلے میں ویسٹ انڈیز کے خلاف اور سیمی فائنل میں انگلینڈ کیخلاف بھی نصف سینچریاں بنائی تھی۔
یہ بھی پڑھیے: کھلاڑیوں پر 50 لاکھ روپے جرمانہ چھوٹی سوچ ہے، شاہد آفریدی کی پی سی بی پر سخت تنقید
اس غیر معمولی کارکردگی کے باعث 31 سالہ سیمسن تیسرے کرکٹر بن گئے ہیں جنہوں نے ٹی20 ورلڈ کپ کے سیمی فائنل اور فائنل دونوں میں نصف سنچریاں اسکور کیں۔
ان سے قبل پاکستان کے شاہد آفریدی اور بھارت کے ویرات کوہلی یہی کارنامہ سرانجام دے چکے ہیں۔
آئیے جانتے ہیں کہ بھارتی ٹیم نے کرکٹ میں یہ عروج کیسے دیکھا :مزید پڑھیں
آفریدی نے یہ منفرد کارنامہ 2009 کے ٹی20 ورلڈ کپ میں انجام دیا تھا، جبکہ ویرات کوہلی نے 2014 کے ایڈیشن میں۔
احمد آباد کے نریندر مودی اسٹیڈیم میں اتوار کے روز نیوزی لینڈ کیخلاف کھیلے گئے فائنل میچ میں سانجو سیمسن بالآخر16ویں اوور میں جیمز نیشم کے ہاتھوں آؤٹ ہوئے۔
وہ 46 گیندوں پر 89 رنز بنا کر ٹاپ اسکورر رہے، جن میں 8 چھکے اور 5 چوکے شامل تھے۔
ٹی20 ورلڈ کپ فائنل میں سب سے بڑی انفرادی اننگز
سانجو سیمسن (بھارت) – 89 رنز بمقابلہ نیوزی لینڈ 2026
مارلن سیموئلز (ویسٹ انڈیز) – 85 رنز بمقابلہ انگلینڈ 2016
کین ولیم سن (نیوزی لینڈ) – 85 رنز بمقابلہ آسٹریلیا 2021
مارلن سیموئلز (ویسٹ انڈیز) – 78 رنز بمقابلہ سری لنکا 2012
ویرات کوہلی (بھارت) – 76 رنز بمقابلہ ساؤتھ افریقہ 2024
سانجو سیمسن کی 89 رنز کی اننگز ٹی20 ورلڈ کپ فائنل میں اب تک کی سب سے بڑی انفرادی اننگز بن گئی ہے، جس نے 2016 میں مارلن سیموئلز کے 85 رنز کے ریکارڈ ساز اننگ کو پیچھے چھوڑ دیا ہے۔
