ایران کے پاسداران انقلاب سے وابستہ تسنیم نیوز ایجنسی نے ایران کے اہداف کی ایک فہرست جاری کی ہے جس میں امریکی اور اسرائیلی روابط رکھنے والی بڑی ٹیک کمپنیوں کے دفاتر اور انفراسٹرکچر شامل ہیں، جن کی ٹیکنالوجی فوجی مقاصد کے لیے استعمال ہوئی ہے۔
تسنیم نیوز ایجنسی کے مطابق، جیسے جیسے علاقائی جنگ کا دائرہ انفراسٹرکچر تک پھیل رہا ہے، ایران کے جائز ہدف بھی وسیع ہو رہے ہیں۔
یہ بھی پڑھیے: اگر روس ایران کے ساتھ خفیہ معلومات شیئر کرے تو ٹرمپ خوش نہیں ہوں گے، وائٹ ہاؤس
اس فہرست میں گوگل، مائیکروسافٹ، پیلانٹیر، آئی بی ایم، این ویڈیا اور اوریکل شامل ہیں۔ ان کمپنیوں کے کلاؤڈ بیسڈ سروسز کے دفاتر متعدد اسرائیلی شہروں کے علاوہ کچھ خلیجی ممالک میں بھی واقع ہیں۔
دوسری طرف امریکا اور اسرائیل کی جانب سے ایران پر شدید حملے جاری ہیں۔ نئے حملوں میں اصفہان میں آثار قدیمہ اور تاریخی عمارتوں کو بھی نشانہ بنایا گیا ہے۔
اس کے علاوہ دبئی میڈیا آفس کے مطابق دبئی ائرپورٹ کے قریب 2ڈرون گرنے سے 4 افراد زخمی ہو گئے ہیں جبکہ لبنان میں اسرائیلی حملوں میں بھی 7 افراد کے جاں بحق ہونے کی اطلاعات ہیں۔
