ایران نے خبردار کیا ہے کہ دنیا 200 ڈالر فی بیرل تیل خریدنے کے لیے تیار ہو جائے۔
ایران کے خاتمالانبیا فوجی کمانڈ ہیڈکوارٹر نے کہاکہ ملک اپنے حریفوں کے خلاف حملوں کی حکمت عملی اپنائے گا۔
ترجمان ابراہیم ذوالفقاری نے کہاکہ امریکا تیل کی قیمتوں کو قابو میں نہیں رکھ سکے گا۔
انہوں نے مزید کہاکہ ہم امریکیوں، اسرائیل اور ان کے شراکت داروں تک ایک بھی لیٹر تیل نہیں پہنچنے دیں گے۔ کسی بھی بحری جہاز یا ٹینکر جو ان کی جانب جائے گا، وہ ہمارا جائز ہدف ہوگا۔
ابراہیم ذوالفقاری نے خبردار کرتے ہوئے کہاکہ تیل کی قیمت 200 ڈالر فی بیرل کے لیے تیار ہو جائیں، کیونکہ تیل کی قیمت علاقائی سیکیورٹی پر منحصر ہے، جسے غیر مستحکم کردیا گیا ہے۔
واضح رہے کہ امریکا، اسرائیل اور ایران کے درمیان جنگ جاری ہے، اور تہران کی جانب سے آبنائے ہرمز سے گزرنے والے بحری جہازوں پر حملے کیے جا رہے ہیں۔
