پاکستانی گلوکارہ آئمہ بیگ نے اس ہفتے 31ویں سالگرہ منائی۔ جس کی ویڈیوز اور تصاویر انہوں نے انسٹاگرام پر شیئر کیں۔
شیئر کی گئی پوسٹ میں انہوں نےگلوکار عاصم اظہر کے ساتھ تصویر اور کام کے دوران دوستوں اور کولیگز کی جانب سے منائے گئے کیک سرپرائز کی تصاویر شامل کیں۔ ایک تصویر میں وہ اپنے والد کے سامنے اپنی شاپنگ دکھا رہی ہیں جس پر والد نے آنکھیں گھمائیں، اس لمحے کو کیمرے نے بخوبی قید کیا۔
یہ بھی پڑھیں: آئمہ بیگ سے شادی کے 3 ماہ بعد ہی علیحدگی، زین احمد نے تصاویر ڈیلیٹ کر دیں
پوسٹ کے ساتھ ایک طویل کیپشن بھی تھا جس میں گلوکارہ نے بتایا کہ تصاویر کے پیچھے دن کی اصل تصویر کیسی تھی۔ انہوں نے سب سے پہلے اعتراف کیا کہ وہ عام طور پر سالگرہ کی شوقین نہیں ہیں سوائے اس کے کہ یہ لمحہ کسی چلے جانے والے مگر ناقابل فراموش شخص کو یاد کرنے کا موقع ہو۔ اس دن صبح سب سے پہلے ان کے ذہن میں ان کی مرحومہ والدہ آئیں۔
View this post on Instagram
انہوں نے لکھا کہ صبح اٹھ کر انہوں نے اپنی والدہ کے بارے میں سوچا اور کچھ وقت غور و فکر میں گزارا پھر سیدھا کام پر چلی گئیں جسے انہوں نے مزاحیہ انداز میں کام، مزدوری اور کبھی کبھار مجبوریاں قرار دیا۔
انہوں نے لکھا ہر دن اللہ کا شکر ہے کہ میں اپنے خواب کی زندگی گزار رہی ہوں یہ سب آپ سب کی محبت اور حمایت کی بدولت ممکن ہوا ہے۔ انہوں نے مداحوں کا شکریہ ادا کیا جن کی محبت اور تنقید وقت کے ساتھ ان کے لیے تفریح کا ذریعہ بن گئی ہے۔
یہ بھی پڑھیں: سارہ رضا نے آئمہ بیگ کو گلوکارہ ماننے سے انکار کیوں کیا؟
دن کا سب سے جذباتی لمحہ کام پر منائے گئے کیک سرپرائز کا تھا جس نے انہیں یہ یاد دلایا کہ قریبی لوگ ہمیشہ ساتھ ہیں۔ آئمہ بیگ نے 31 سال کی عمر میں اپنی زندگی کے عوامی پہلو پر بھی روشنی ڈالی اور لکھا کہ مداحوں نے ان کے بالغ ہونے کے سفر کو قریب سے دیکھا ہے۔
پوسٹ کے آخر میں آئمہ بیگ نے مداحوں کا شکریہ ادا کیا اور دن کے باقی حصے کے بارے میں بتایا کہ وہ باہر گئیں، کھانا کھایا اور سوگئیں جسے انہوں نے سب سے بہترین حصہ قرار دیا۔
