افغانستان کے صوبہ تخار میں نیشنل ریزسٹنس فرنٹ (NRF) کے جنگجوؤں نے ایک گھات میں بدخشاں کے پولیس چیف خارجی معراج الدین کو ہلاک کر دیا۔ اطلاعات کے مطابق، وہ بدخشاں سے تخار جا رہے تھے کہ راستے میں حملہ آوروں نے ان کی گاڑی پر حملہ کر دیا۔
یہ بھی پڑھیں:آپریشن غضب للحق کامیابی سے جاری، 663 افغان دہشتگرد ہلاک، 249 ٹھکانے تباہ
ذرائع کے مطابق، خارجی معراج الدین کی گاڑی پر اچانک حملہ کیا گیا اور انہیں موقع پر ہی ہلاک کر دیا گیا۔ ابھی تک حملے کے حوالے سے مزید تفصیلات سامنے نہیں آئیں، اور صوبائی سیکیورٹی فورسز نے علاقے میں تحقیقات اور مزید حفاظتی اقدامات شروع کر دیے ہیں۔
یہ واقعہ افغانستان میں نیشنل ریزسٹنس فرنٹ اور مقامی سیکیورٹی اداروں کے درمیان جاری کشیدگی کی ایک اور شدت کو ظاہر کرتا ہے۔ حکام نے شہریوں سے محتاط رہنے اور کسی بھی مشکوک سرگرمی کی فوری اطلاع دینے کی ہدایت کی ہے۔
