سعودی وزارتِ دفاع نے قومی ایپ ’توکلنا‘ کے ذریعے مشتبہ فضائی مشاہدات کی اطلاع دینے کی نئی سروس شروع کر دی ہے، جس کے تحت مملکت میں مقیم شہری اور غیر ملکی کسی بھی مشتبہ فضائی سرگرمی، جیسے ڈرون یا میزائل کی موجودگی، کی فوری اطلاع دے سکیں گے۔
یہ بھی پڑھیں:’وژن 2030‘، سعودی عرب کی ترقی کو چارچاند لگانے والا منصوبہ
وزارتِ دفاع کے مطابق اس اقدام کا مقصد مشتبہ اطلاعات کو بروقت متعلقہ اداروں تک پہنچانا اور ممکنہ خطرات کے مقابلے میں فوری ردِعمل کو یقینی بنانا ہے، تاکہ وطن کی سلامتی اور دفاعی صلاحیتوں کا موثر تحفظ کیا جا سکے۔
وزارتِ دفاع کے سرکاری ترجمان میجر جنرل ترکی المالکی نے کہا کہ یہ سروس شہریوں اور دفاعی اداروں کے درمیان عملی شراکت کو مضبوط بنائے گی اور عوام کو قومی سلامتی کے تحفظ میں اپنا کردار ادا کرنے کا موقع فراہم کرے گی۔
یہ بھی پڑھیں:شاہ سلمان نے اعضا عطیہ کرنے والے 200 افراد کو کنگ عبدالعزیز میڈل دینے کی منظوری دے دی
انہوں نے مزید کہا کہ سعودی مسلح افواج کسی بھی فضائی خطرے یا جارحیت کا مقابلہ کرنے کی مکمل صلاحیت رکھتی ہیں، تاہم اس سروس کے ذریعے شہریوں اور مقیم افراد کو بھی کسی ممکنہ خطرے کی اطلاع دینے کی سہولت دی گئی ہے، جو جدید ٹیکنالوجی کے ذریعے خطرات کی بروقت نشاندہی میں اہم کردار ادا کرے گی۔
