افغانستان کے وکٹ کیپر بلے باز رحمان اللہ گرباز نے کہا ہے کہ ان کی کرکٹ کیریئر کا سب سے تکلیف دہ لمحہ وہ دن تھا جب افغانستان کو 2022 کے ایشیا کپ میں پاکستان نے شکست دی تھی اور نسیم شاہ نے چھکے مارے تھے۔
نسیم شاہ نے جو شارجہ میں چھکے لگائے وہ میری زندگی کا سب سے تکلیف دہ میچ تھا، لوگوں نے افغانستان میں اس میچ کے بعد خودکشیاں کیں، جب بھی شارجہ جاتا ہوں وہ میچ یاد آجاتا ہے، رحمان اللہ گرباز pic.twitter.com/Svsnh76OR6
— ٰImran Siddique (@imransiddique89) March 25, 2026
بھارتی میزبان کے سوال پر کہ آیا یہ ہار آسٹریلیا کے خلاف شکست سے زیادہ دکھ دینے والی تھی۔ رحمان اللہ گرباز نے کہا کہ میرے لیے پاکستان سے ہار ہی زیادہ تکلیف دہ تھی کیونکہ لوگ بہت متاثر ہوئے تھے۔ میں نے خود دیکھا کہ لوگ بہت روئے اور بعض نے خودکشی بھی کی۔ جب لوگ اتنے جذباتی ہوتے ہیں تو ہمیں بھی تکلیف ہوتی ہے۔ ہم بھی انسان ہیں اور اپنے شائقین کے لیے کھیلتے ہیں۔
انہوں نے مزید کہا کہ اب جب میں شارجہ گراؤنڈ جا رہا ہوں تو مجھے وہ لمحے یاد آ رہے ہیں کہ کیسے ہم ہار گئے تھے۔
