اسلام آباد ہائیکورٹ میں پی ایم ڈی سی کے سابق ڈائریکٹر جنرل کے ادارے سے مالی فائدہ لینے کے کیس کی سماعت ہوئی، جس دوران جسٹس محسن اختر کیانی نے اہم ریمارکس دیے۔
مزید پڑھیں:اسلام آباد ہائیکورٹ کا طلبا کو ایم ٹیگ کے معاملے میں ریلیف دینے کا حکم
عدالت نے کہا کہ آپ نے قانون میں موجود نہ ہونے کے باوجود مالی فائدہ حاصل کیا۔ سابق ڈائریکٹر جنرل نے مؤقف اختیار کیا کہ اب وہ ریٹائرڈ ہو چکے ہیں اور ان کے پاس پیسے نہیں ہیں۔
جسٹس محسن اختر کیانی نے جواب دیا کہ جب تک آپ زندہ ہیں آپ پیسے دے سکتے ہیں، اور اگر آپ فوت ہو جائیں تو آپ کی جائیداد بیچ کر لیا جا سکتا ہے۔
جسٹس محسن اختر کیانی نے مزید کہا کہ میں کسی کا ایک روپیہ لینا حرام سمجھتا ہوں اور آخرت کے لیے نقصان نہیں پہنچانا چاہیے جب آپ کا حق نہیں ہے۔
مزید پڑھیں:اسلام آباد ہائیکورٹ بار کے انتخابات کے نتائج کا باضابطہ اعلان، سید واجد علی گیلانی صدر منتخب
عدالت نے کیس کا فیصلہ محفوظ کر لیا اور 14 دن کے اندر فیصلہ سنانے کا اعلان کیا۔
