اسلام آباد میں وفاقی وزیر مذہبی امور سردار محمد یوسف سے بنگلہ دیش کے ہائی کمشنر نے ملاقات کی، جس میں حج انتظامات اور باہمی دلچسپی کے امور پر تفصیلی تبادلہ خیال کیا گیا۔
یہ بھی پڑھیں: پاکستان اور بنگلہ دیش کا 20 سال بعد اقتصادی تعاون بڑھانے پر اتفاق، کن شعبوں پر توجہ دی جائے گی؟
ملاقات میں سیکرٹری مذہبی امور ڈاکٹر ساجد محمود چوہان اور جوائنٹ سیکرٹری احمد ندیم خان بھی شریک تھے، اس موقع پر دوطرفہ تعلقات کے فروغ اور مذہبی تعاون کے امکانات پر بھی گفتگو کی گئی۔
وفاقی وزیر مذہبی امور سردار محمد یوسف نے کہا کہ پاکستان حجاج کی تعداد کے لحاظ سے دنیا میں دوسرے نمبر پر ہے اور حکومت حج و عمرہ انتظامات میں مزید بہتری کو اپنی اولین ترجیح سمجھتی ہے۔
یہ بھی پڑھیں: عازمینِ حج کے لیے پاک حج ایپ پر بیماریوں سے متعلق سوالنامہ جاری، جواب کے لیے ڈیڈ لائن مقرر
انہوں نے کہا کہ پاکستان بنگلہ دیش کے ساتھ حج سے متعلق تجربات کے تبادلے کے لیے تیار ہے اور باہمی تعاون کے ذریعے حجاج کو مزید بہتر سہولیات فراہم کی جاسکتی ہیں۔
