پی ایس ایل 11 میں پشاور زلمی نے راولپنڈی پنڈیز کے خلاف اننگز میں کسی کھلاڑی کی ففٹی کے بغیر سب سے بڑا ہدف حاصل کر کے عالمی اور قومی ریکارڈ قائم کر دیا۔
یہ بھی پڑھیں: پی ایس ایل 11: سنسنی خیز مقابلے کے بعد پشاور زلمی نے راولپنڈی پنڈیز کو 5وکٹوں سے شکست دیدی
میچ میں پشاور زلمی نے 215 رنز کے ہدف کو عبور کرتے ہوئے 218 رنز بنائے۔ اس کارنامے سے قبل دنیا میں بغیر ففٹی سب سے بڑا ہدف 214 رنز تھا، جو واشنگٹن نے میجر لیگ میں لاس اینجلس کے خلاف بنایا تھا۔
اسی طرح پاکستان ڈومیسٹک کرکٹ میں بھی پشاور زلمی نے نیا ریکارڈ بنایا۔ یہ اننگز پاکستان ڈومیسٹک میں بغیر کسی پلیئر کی ففٹی کے سب سے بڑا اسکور بن گئی۔ اس سے پہلے لاہور قلندرز اور کوئٹہ گلیڈی ایٹرز نے اننگز میں بغیر ففٹی 209 رنز کا ریکارڈ قائم کیا تھا۔
یہ بھی پڑھیں: پی ایس ایل 11: کراچی کنگز نے سنسنی خیز مقابلے کے بعد کوئٹہ گلیڈی ایٹرز کو شکست دے دی
یہ کامیابی پشاور زلمی کی بلے بازی کی گہرائی اور ٹیم ورک کا مظہر سمجھی جا رہی ہے، کیونکہ اس میں کوئی بھی کھلاڑی نصف سنچری تک نہیں پہنچا، لیکن ٹیم نے کامیابی یقینی بنائی۔
